{"id":28127,"date":"2025-12-21T16:23:11","date_gmt":"2025-12-21T16:23:11","guid":{"rendered":"https:\/\/alprofitconsult.al\/?p=28127"},"modified":"2025-12-21T16:23:11","modified_gmt":"2025-12-21T16:23:11","slug":"rritet-paga-minimale-ne-shqiperi-50000-leke-janar-2026","status":"publish","type":"post","link":"https:\/\/alprofitconsult.al\/it\/rritet-paga-minimale-ne-shqiperi-50000-leke-janar-2026\/","title":{"rendered":"Aumento del salario minimo in Albania \u2013 50.000 lek (gennaio 2026)"},"content":{"rendered":"

Vendimi i dat\u00ebs 19 Dhjetor 2025<\/h2>\n\n\n\n

Duke filluar nga periudha\u00a0Janar 2026, paga baz\u00eb minimale mujore, n\u00eb shkall\u00eb vendi, e detyrueshme p\u00ebr t\u2019u zbatuar nga \u00e7do pun\u00ebdh\u00ebn\u00ebs (person juridik apo fizik, vendas apo i huaj)\u00a0\u00ebsht\u00eb 50,000 lek\u00eb (nga 40,000 Lek\u00eb q\u00eb ishte).<\/p>\n\n\n\n

Kjo pag\u00eb minimale korrespondon me\u00a0174 or\u00eb pune\u00a0n\u00eb muaj (koha normale mujore) dhe \u00ebsht\u00eb e barabart\u00eb me\u00a0287.3 lek\u00eb n\u00eb or\u00ebl. Ky vendim u miratua nga K\u00ebshilli i Ministrave m\u00eb 19 dhjetor 2025<\/a> dhe shfuqizon vendimin e m\u00ebparsh\u00ebm nr.113, dat\u00eb 1.3.2023. <\/a>Vendimi hyn n\u00eb fuqi pas botimit n\u00eb Fletoren Zyrtare dhe fillon efektet financiare nga data\u00a01 janar 2026.<\/p>\n\n\n\n

\n

V E N D I M P\u00cbR P\u00cbRCAKTIMIN E PAG\u00cbS MINIMALE N\u00cb SHKALL\u00cb VENDI<\/p>\n\n\n\n

N\u00eb mb\u00ebshtetje t\u00eb nenit 100 t\u00eb Kushtetut\u00ebs, t\u00eb nenit 111, t\u00eb ligjit nr.7961, dat\u00eb 12.7.1996, \u201cKodi i Pun\u00ebs i Republik\u00ebs s\u00eb Shqip\u00ebris\u00eb\u201d, t\u00eb ndryshuar, dhe t\u00eb nenit 8.1, t\u00eb ligjit nr.35\/2023, \u201cP\u00ebr kompetencat p\u00ebr caktimin e pagave, trajtimeve t\u00eb tjera financiare dhe p\u00ebrfitimeve t\u00eb t\u00eb pun\u00ebsuarve n\u00eb institucionet e administrat\u00ebs publike, si dhe t\u00eb pag\u00ebs baz\u00eb minimale n\u00eb shkall\u00eb vendi\u201d, t\u00eb ndryshuar, me propozimin e ministrit t\u00eb Ekonomis\u00eb dhe Inovacionit, K\u00ebshilli i Ministrave<\/p>\n\n\n\n

V E N D O S I:<\/p>\n\n\n\n

1. Paga baz\u00eb minimale mujore p\u00ebr punonj\u00ebsit n\u00eb shkall\u00eb vendi, q\u00eb \u00ebsht\u00eb e detyrueshme t\u00eb zbatohet nga \u00e7do person, juridik a fizik, vendas ose i huaj, t\u00eb jet\u00eb 50 000 (pes\u00ebdhjet\u00eb mij\u00eb) lek\u00eb.<\/p>\n\n\n\n

2. Paga baz\u00eb minimale mujore jepet p\u00ebr 174 (nj\u00ebqind e shtat\u00ebdhjet\u00eb e kat\u00ebr) or\u00eb pune n\u00eb muaj, t\u00eb kryera gjat\u00eb koh\u00ebs normale t\u00eb pun\u00ebs.<\/p>\n\n\n\n

3. Paga baz\u00eb minimale orare t\u00eb jet\u00eb 287.3 (dyqind e tet\u00ebdhjet\u00eb e shtat\u00eb pik\u00eb tre) lek\u00eb.<\/p>\n\n\n\n

4. Shtesat me karakter t\u00eb p\u00ebrhersh\u00ebm jepen mbi pag\u00ebn baz\u00eb.<\/p>\n\n\n\n

5. Vendimi nr.113, dat\u00eb 1.3.2023, i K\u00ebshillit t\u00eb Ministrave, \u201cP\u00ebr p\u00ebrcaktimin e pag\u00ebs minimale n\u00eb shkall\u00eb vendi\u201d, shfuqizohet.<\/p>\n\n\n\n

Ky vendim hyn n\u00eb fuqi pas botimit n\u00eb \u201cFletoren zyrtare\u201d dhe i fillon efektet financiare nga data 1 janar 2026.<\/p>\n\n\n\n

K R Y E M I N I S T R I
EDI RAMA<\/p>\n<\/blockquote>\n\n\n\n

\u00c7far\u00eb do t\u00eb thot\u00eb kjo rritje? (Efektet dhe Shembuj)<\/h2>\n\n\n\n

Rritje e pag\u00ebs p\u00ebr punonj\u00ebsit<\/strong><\/h3>\n\n\n\n

Krahasuar me nivelin aktual prej 40,000 lek\u00ebsh, nj\u00eb punonj\u00ebs me pag\u00eb minimale do t\u00eb marr\u00eb\u00a010,000 lek\u00eb m\u00eb shum\u00eb\u00a0n\u00eb pag\u00ebn bruto mujore. Praktikisht, paga e tij bruto do t\u00eb rritet me 25%. Pjesa m\u00eb e madhe e k\u00ebsaj rritjeje pritet t\u00eb reflektohet edhe n\u00eb pag\u00ebn neto t\u00eb punonj\u00ebsit, pasi tatimi mbi t\u00eb ardhurat personale p\u00ebr k\u00ebt\u00eb nivel page \u00ebsht\u00eb shum\u00eb i ul\u00ebt (aktualisht pagat deri n\u00eb rreth 50 mij\u00eb lek\u00eb n\u00eb muaj\u00a0p\u00ebrjashtohen nga tatimi\u00a0ose tatohen minimalisht).<\/p>\n\n\n\n

Shembull konkret<\/strong><\/h3>\n\n\n\n

Nj\u00eb punonj\u00ebs me pag\u00eb minimale 40,000 lek\u00eb n\u00eb dhjetor 2025 merrte ~40,000 lek\u00eb bruto (me zero tatim mbi pag\u00eb) dhe paguante rreth 4,480 lek\u00eb kontribute personale (9.5% sigurime shoq\u00ebrore + 1.7% sigurime sh\u00ebndet\u00ebsore). Me pag\u00ebn e re 50,000 lek\u00eb, ai do t\u00eb paguaj\u00eb rreth 5,600 lek\u00eb kontribute personale \u2013 pra 1,120 lek\u00eb m\u00eb shum\u00eb \u2013 nd\u00ebrsa pjesa tjet\u00ebr e rritjes p\u00ebrb\u00ebn p\u00ebrfitim neto.\u00a0Paga neto\u00a0e tij rritet me afro 8,880 lek\u00eb n\u00eb muaj n\u00eb k\u00ebt\u00eb skenar (duke zbritur kontributet shtes\u00eb).<\/p>\n\n\n\n

Kosto shtes\u00eb p\u00ebr pun\u00ebdh\u00ebn\u00ebsit <\/strong><\/h3>\n\n\n\n

P\u00ebr pun\u00ebdh\u00ebn\u00ebsit, rritja e pag\u00ebs minimale n\u00ebnkupton nj\u00eb kosto m\u00eb t\u00eb lart\u00eb n\u00eb pagimin e kontributeve t\u00eb sigurimeve shoq\u00ebrore e sh\u00ebndet\u00ebsore p\u00ebr \u00e7do punonj\u00ebs me pag\u00eb minimale. P\u00ebr \u00e7do t\u00eb till\u00eb, kontributet e pun\u00ebdh\u00ebn\u00ebsit do t\u00eb rriten me rreth\u00a01,670 lek\u00eb\u00a0n\u00eb muaj (15% sigurime shoq\u00ebrore + 1.7% sigurime sh\u00ebndet\u00ebsore mbi diferenc\u00ebn 10,000 lek\u00eb). <\/p>\n\n\n\n

Efektet n\u00eb kontributet shoq\u00ebrore dhe sh\u00ebndet\u00ebsore (paga minimale vs. maksimale)<\/h3>\n\n\n\n

Sipas legjislacionit n\u00eb fuqi,\u00a0paga maksimale\u00a0mujore q\u00eb merret parasysh p\u00ebr efekt t\u00eb llogaritjes s\u00eb kontributeve\u00a0indeksohet n\u00eb t\u00eb nj\u00ebjt\u00ebn mas\u00eb dhe koh\u00eb me pag\u00ebn minimale. Kjo do t\u00eb thot\u00eb se, me rritjen e pag\u00ebs minimale me 10,000 lek\u00eb, edhe paga maksimale p\u00ebr kontributet shoq\u00ebrore do t\u00eb rritet me\u00a010,000 lek\u00eb. Si rezultat, paga maksimale mujore mbi t\u00eb cil\u00ebn do t\u00eb paguhen sigurime shoq\u00ebrore pritet t\u00eb shkoj\u00eb nga 176,416 lek\u00eb aktualisht n\u00eb\u00a0186,416 lek\u00eb. Ky mekaniz\u00ebm i indeksimit synon q\u00eb punonj\u00ebsit me paga shum\u00eb t\u00eb larta\u00a0t\u00eb mos penalizohen n\u00eb m\u00ebnyr\u00eb disproporcionale\u00a0nga rritja e kontributeve.<\/p>\n\n\n\n

P\u00ebr efekt t\u00eb llogaritjes s\u00eb kontributeve<\/strong>\u00a0<\/h3>\n\n\n\n

s\u00eb detyrueshme:<\/p>\n\n\n\n

Sigurimet shoq\u00ebrore (pensioni)<\/strong><\/h4>\n\n\n\n

Pagat bruto mujore\u00a0p\u00ebr t\u00eb pun\u00ebsuarit\u00a0do t\u00eb konsiderohen jo m\u00eb pak se paga minimale (50,000 lek\u00eb) dhe deri n\u00eb\u00a0186,416 lek\u00eb\u00a0n\u00eb muaj. Pagat n\u00ebn 50,000 lek\u00eb do\u00a0ngrihen n\u00eb nivelin minimal\u00a0p\u00ebr llogaritjen e kontributeve, nd\u00ebrsa pjesa mbi 186,416 lek\u00eb nuk i n\u00ebnshtrohet kontributit (pra, 186,416 lek\u00eb \u00ebsht\u00eb tavani i pag\u00ebs kontributive p\u00ebr efekt pensioni). Edhe p\u00ebr\u00a0t\u00eb vet\u00ebpun\u00ebsuarit, baza mujore e kontributeve do t\u00eb jet\u00eb nga 50,000 lek\u00eb e deri n\u00eb\u00a0186,416 lek\u00eb, sipas p\u00ebrzgjedhjes s\u00eb vet\u00eb personit (brenda k\u00ebtij kufiri). Nd\u00ebrsa p\u00ebr\u00a0punonj\u00ebsit e papaguar t\u00eb familjes, paga mujore p\u00ebr efekt sigurimesh do t\u00eb jet\u00eb e barabart\u00eb me minimumin 50,000 lek\u00eb.\u00a0K\u00ebto vlera pasqyrojn\u00eb indeksimin e pag\u00ebs maksimale nj\u00ebsoj si paga minimale, bazuar n\u00eb ligjin e sigurimeve shoq\u00ebrore.<\/p>\n\n\n\n

Sigurimet sh\u00ebndet\u00ebsore<\/strong><\/h4>\n\n\n\n

P\u00ebr\u00a0t\u00eb pun\u00ebsuarit, paga mujore konsiderohet nga paga minimale\u00a050,000 lek\u00eb\u00a0e deri tek paga faktike bruto (nuk ka kufi maksimal p\u00ebr kontributin sh\u00ebndet\u00ebsor t\u00eb punonj\u00ebsve \u2013 ata kontribuojn\u00eb sipas pag\u00ebs reale). P\u00ebr\u00a0t\u00eb vet\u00ebpun\u00ebsuarit\u00a0dhe\u00a0punonj\u00ebsit e papaguar familjar\u00eb, baza mujore e kontributit sh\u00ebndet\u00ebsor \u00ebsht\u00eb e barabart\u00eb me dyfishin e pag\u00ebs minimale, q\u00eb pas rritjes \u00ebsht\u00eb\u00a0100,000 lek\u00eb\u00a0n\u00eb muaj. Kjo do t\u00eb thot\u00eb se t\u00eb vet\u00ebpun\u00ebsuarit do t\u00eb paguajn\u00eb sigurim sh\u00ebndet\u00ebsor mbi nj\u00eb pag\u00eb prej 100 mij\u00eb lek\u00ebsh (pavar\u00ebsisht n\u00ebse t\u00eb ardhurat e tyre reale mujore mund t\u00eb jen\u00eb m\u00eb t\u00eb larta), ashtu si\u00e7 parashikohet nga ligji.<\/p>\n\n\n\n

    <\/ol>\n\n\n\n

    Historiku i Pag\u00ebs Minimale n\u00eb 10 vitet e fundit<\/h2>\n\n\n\n

    Paga minimale n\u00eb Shqip\u00ebri ka p\u00ebsuar disa rritje t\u00eb nj\u00ebpasnj\u00ebshme gjat\u00eb dekad\u00ebs s\u00eb fundit. M\u00eb posht\u00eb paraqitet nj\u00eb p\u00ebrmbledhje kronologjike e ndryshimeve kryesore q\u00eb nga viti 2015 e deri m\u00eb sot:<\/p>\n\n\n\n

    2015\u20132016<\/strong><\/h3>\n\n\n\n

    Paga minimale ishte\u00a022,000 lek\u00eb\u00a0n\u00eb muaj dhe\u00a0nuk u ndryshua\u00a0gjat\u00eb k\u00ebtyre viteve. Rritja e fundit kishte ndodhur n\u00eb korrik 2013, kur paga minimale u vendos 22 mij\u00eb lek\u00eb n\u00eb muaj.<\/p>\n\n\n\n

    2017<\/strong><\/h3>\n\n\n\n

    Paga minimale\u00a0u rrit n\u00eb 24,000 lek\u00eb\u00a0n\u00eb muaj (nga 22,000 lek\u00eb q\u00eb ishte m\u00eb par\u00eb). Ky ishte ndryshimi i par\u00eb pas rreth 3 vitesh. Vendimi p\u00ebr rritjen hyri n\u00eb fuqi gjat\u00eb vitit 2017, pas miratimit n\u00eb maj 2017, pavar\u00ebsisht kund\u00ebrshtimeve nga sindikatat q\u00eb k\u00ebrkonin nj\u00eb rritje deri n\u00eb 26,000 lek\u00eb.<\/p>\n\n\n\n

    2019<\/strong><\/h3>\n\n\n\n

    Paga minimale\u00a0u rrit n\u00eb 26,000 lek\u00eb\u00a0n\u00eb muaj (nj\u00eb rritje prej 2,000 lek\u00ebsh). Ky nivel filloi t\u00eb zbatohej nga 1 janari 2019, sipas VKM-s\u00eb p\u00ebrkat\u00ebse\u00a0q\u00eb z\u00ebvend\u00ebsoi pag\u00ebn minimale t\u00eb m\u00ebparshme prej 24,000 lek\u00ebsh.<\/p>\n\n\n\n

    2021<\/strong><\/h3>\n\n\n\n

    Paga minimale\u00a0u rrit n\u00eb 30,000 lek\u00eb\u00a0n\u00eb mua<\/a>j. Kjo rritje (prej 4,000 lek\u00ebsh, 15%) hyri n\u00eb fuqi m\u00eb 1 janar 2021, n\u00eb baz\u00eb t\u00eb VKM s\u00eb dhjetorit 2020. Ky ishte nj\u00eb nga\u00a0rritjet m\u00eb t\u00eb larta nj\u00ebher\u00ebshe\u00a0historikisht dhe erdhi n\u00eb kuad\u00ebr t\u00eb angazhimeve t\u00eb qeveris\u00eb p\u00ebr rritjen e mir\u00ebqenies pas efekteve t\u00eb pandemis\u00eb.<\/p>\n\n\n\n

    2022<\/strong><\/h3>\n\n\n\n

    Paga minimale p\u00ebsoi\u00a0dy rritje brenda vitit 2022, nj\u00eb zhvillim ky i paprecedent\u00eb deri at\u00ebher\u00eb. S\u00eb pari,\u00a0nga prilli 2022\u00a0paga minimale u rrit nga 30,000 n\u00eb\u00a032,000 lek\u00eb<\/a>. M\u00eb pas, vet\u00ebm pes\u00eb muaj m\u00eb von\u00eb (n\u00eb fund t\u00eb ver\u00ebs 2022), qeveria vendosi nj\u00eb tjet\u00ebr rritje duke e \u00e7uar pag\u00ebn minimale n\u00eb\u00a034,000 lek\u00eb\u00a0n\u00eb muaj<\/a>. Rritja e dyfisht\u00eb brenda nj\u00eb viti (nga 30 mij\u00eb n\u00eb 34 mij\u00eb lek\u00eb gjithsej) tregoi synimin p\u00ebr t\u00eb p\u00ebrshpejtuar afrimin e pag\u00ebs minimale me vendet e rajonit.<\/p>\n\n\n\n

    2023<\/h3>\n\n\n\n

    Paga minimale pati s\u00ebrish nj\u00eb\u00a0rritje t\u00eb konsiderueshme. Duke nisur nga 1 prilli 2023<\/a>, ajo u rrit me 6 mij\u00eb lek\u00eb (rreth 17.6%) \u2013 nga 34,000 lek\u00eb u b\u00eb\u00a040,000 lek\u00eb\u00a0n\u00eb muaj Kjo ishte rritja m\u00eb e madhe nominale e pag\u00ebs minimale ndonj\u00ebher\u00eb n\u00eb Shqip\u00ebri (me 6,000 lek\u00eb nj\u00ebher\u00ebsh) dhe preku direkt rreth 200 mij\u00eb pun\u00ebmarr\u00ebs.\u00a0Gjat\u00eb viteve\u00a02024\u20132025\u00a0paga minimale\u00a0mbeti e pandryshuar\u00a0n\u00eb nivelin 40,000 lek\u00eb, nd\u00ebrkoh\u00eb q\u00eb inflacioni dhe faktor\u00eb t\u00eb tjer\u00eb ekonomik\u00eb ul\u00ebn disi fuqin\u00eb bler\u00ebse t\u00eb k\u00ebsaj page.)<\/p>\n\n\n\n

    2026<\/strong><\/h3>\n\n\n\n

    Me vendimin e fundit t\u00eb qeveris\u00eb, paga minimale do t\u00eb\u00a0rritet n\u00eb 50,000 lek\u00eb\u00a0n\u00eb muaj, q\u00eb nga janari 2026. Kjo sh\u00ebnon nj\u00eb rritje prej 25% krahasuar me nivelin aktual dhe \u00ebsht\u00eb vazhdim i politik\u00ebs p\u00ebr t\u00eb \u00e7uar pag\u00ebn minimale mbi 500 euro n\u00eb muaj. Ky hap pritet t\u00eb ndikoj\u00eb pozitivisht n\u00eb\u00a0standardin e jetes\u00ebs\u00a0s\u00eb mbi 300 mij\u00eb t\u00eb pun\u00ebsuarve n\u00eb sektorin publik e privat\u00a0dhe synon t\u00eb nxis\u00eb\u00a0uljen e informalitetit\u00a0n\u00eb tregun e pun\u00ebs<\/p>\n\n\n\n

    Gjat\u00eb dekad\u00ebs s\u00eb fundit paga minimale \u00ebsht\u00eb rritur disa her\u00eb \u2013 nga 22 mij\u00eb lek\u00eb n\u00eb vitet 2015\u20132016 n\u00eb 50 mij\u00eb lek\u00eb q\u00eb pritet t\u00eb b\u00ebhet n\u00eb 2026. Kjo p\u00ebrfaq\u00ebson nj\u00eb dyfishim t\u00eb pag\u00ebs minimale brenda 10 viteve<\/p>\n\n\n\n

    P\u00ebr interpretim t\u00eb m\u00ebtejsh\u00ebm ose k\u00ebshillim specifik (p.sh. p\u00ebr efektet n\u00eb pagat neto, kosto biznesi, kontrata etj.), ju lutemi\u00a0kontaktoni<\/a> me specialist\u00ebt tan\u00eb\u00a0\u2013 do t\u00eb jemi t\u00eb gatsh\u00ebm t\u2019ju asistojm\u00eb me informacionin dhe sqarimet e nevojshme.<\/p>\n\n\n\n

    Shkarko VKM.<\/p>\n\n\n\n