{"id":34109,"date":"2026-02-23T19:21:41","date_gmt":"2026-02-23T19:21:41","guid":{"rendered":"https:\/\/alprofitconsult.al\/?p=34109"},"modified":"2026-02-24T17:05:26","modified_gmt":"2026-02-24T17:05:26","slug":"rivalutazione-immobiliare-2026-scadenze-moduli-e-calcolo-dellimposta-direttiva-n-5-del-2026","status":"publish","type":"post","link":"https:\/\/alprofitconsult.al\/it\/rivleresimi-i-pasurise-2026-afatet-formularet-dhe-llogaritja-e-tatimit-5-udhezimi-nr-5-2026\/","title":{"rendered":"Rivalutazione degli immobili: scadenze, moduli e calcolo dell'imposta 5% (Istruzione n. 5\/2026)"},"content":{"rendered":"

Ligji nr. 85\/2025 \u201cP\u00ebr rivler\u00ebsimin e pasuris\u00eb s\u00eb paluajtshme\u201d <\/a>hyri n\u00eb fuqi n\u00eb janar 2026. Mir\u00ebpo miratimi i ligjit vet\u00ebm nuk mjaftonte p\u00ebr t\u00eb nisur procesin. Procedurat nuk ishin t\u00eb qarta, formularet nuk ekzistonin zyrtarisht, tarifat e sh\u00ebrbimit nuk ishin publikuar dhe asnj\u00eb zyr\u00eb e Kadastr\u00ebs nuk mund t\u00eb procedonte asnj\u00eb aplikim pa udh\u00ebzimin zbatues. Kjo situat\u00eb krijoi pasiguri dhe shtyu shum\u00eb pronar\u00eb t\u00eb prisnin para se t\u00eb vepronin.<\/p>\n\n\n\n

Udh\u00ebzimi i P\u00ebrbashk\u00ebt Nr. 5, dat\u00eb 19 shkurt 2026,<\/a> i n\u00ebnshkruar nga Ministri i Financave dhe Drejtori i P\u00ebrgjithsh\u00ebm i ASHK-s\u00eb, e mbylli k\u00ebt\u00eb boshll\u00ebk. Dokumenti i plot\u00eb, me t\u00eb gjitha, n\u00ebnpikat, shtojcat dhe tabelat, solli at\u00eb q\u00eb mungonte: rregullat e sakta t\u00eb llogaritjes, formularet zyrtar\u00eb (Shtojcat 1\u20134), tarifat e sh\u00ebrbimit, afatet kohore t\u00eb ASHK-s\u00eb, procedur\u00ebn e kthimit t\u00eb pages\u00ebs gabim dhe sakt\u00ebsimet e domosdoshme p\u00ebr rastet e ve\u00e7anta si pronat pa vler\u00eb t\u00eb regjistruar.<\/p>\n\n\n\n

Ky blog nuk synon t\u00eb rishpjegoj\u00eb nga fillimi pse ia vlen tatimisht rivler\u00ebsimi apo si funksionon matematika e 5% kundrejt 15%, at\u00eb e kemi trajtuar gjer\u00ebsisht n\u00eb udh\u00ebzuesin ton\u00eb t\u00eb publikuar n\u00eb janar 2026<\/a>. Q\u00ebllimi k\u00ebtu \u00ebsht\u00eb t\u00eb japim sakt\u00ebsisht \u00e7far\u00eb solli ky udh\u00ebzim i ri, si ndryshoi situata para dhe pas 19 shkurtit, dhe \u00e7far\u00eb duhet t\u00eb b\u00ebni konkretisht tani.<\/p>\n\n\n\n

\u00c7far\u00eb ishte e paqart\u00eb para udh\u00ebzimit dhe \u00e7far\u00eb sqaroi<\/h2>\n\n\n\n

N\u00ebse do t\u00eb pyesnit nj\u00eb punonj\u00ebs t\u00eb ASHK-s\u00eb n\u00eb fillim t\u00eb shkurtit 2026 si t\u00eb aplikoni p\u00ebr rivler\u00ebsim, do t\u00eb merrnit nj\u00eb p\u00ebrgjigje t\u00eb pasigurt: “Ligji ekziston, por ne presim udh\u00ebzimin.” Ky nuk ishte problem administrativ, ishte problem ligjor. Pa udh\u00ebzimin zbatues, asnj\u00eb procedur\u00eb nuk kishte baz\u00eb ligjore p\u00ebr t’u proceduar. Prandaj zyrat e ASHK-s\u00eb nuk pranonin aplikime, edhe n\u00ebse pronari paraqitej me t\u00eb gjitha dokumentet.<\/p>\n\n\n\n

Udh\u00ebzimi Nr. 5\/2026 (hyr\u00eb n\u00eb fuqi 19 shkurt 2026) <\/a>i dha fund k\u00ebsaj situate. Ja konkretisht \u00e7far\u00eb nuk dihej dhe u sqarua:<\/p>\n\n\n\n

Tarifa zyrtare e sh\u00ebrbimit nuk ishte e njohur<\/h3>\n\n\n\n

Para udh\u00ebzimit, pronar\u00ebt nuk dinin sa do t’u kushtonte procesi administrativ, p\u00ebrve\u00e7 tatimit 5%. Udh\u00ebzimi (Kreu VIII) publikon tabel\u00ebn e plot\u00eb me tre nivele tarifash sipas madh\u00ebsis\u00eb s\u00eb tatimit, me kodin RVP t\u00eb sh\u00ebrbimit.<\/p>\n\n\n\n

Data e rivler\u00ebsimit kishte mbetur e pap\u00ebrcaktuar<\/h3>\n\n\n\n

Nuk ishte e qart\u00eb n\u00ebse data juridikisht e r\u00ebnd\u00ebsishme ishte ajo e aplikimit, ajo e llogaritjes s\u00eb tatimit apo ajo e pages\u00ebs. Udh\u00ebzimi e sqaron pa asnj\u00eb dyshim: data e rivler\u00ebsimit \u00ebsht\u00eb data e pagimit t\u00eb tatimit. Kjo ka implikime direkte \u2014 n\u00ebse shisni pron\u00ebn dy muaj pas rivler\u00ebsimit, baza e shitjes llogaritet nga vlera e dat\u00ebs kur keni paguar, jo kur keni dor\u00ebzuar dokumentet.<\/p>\n\n\n\n

Formularet nuk ekzistonin zyrtarisht<\/h3>\n\n\n\n

Udh\u00ebzimi bashk\u00eblidh Shtojcat Nr. 1\u20134, t\u00eb cilat jan\u00eb respektivisht: formulari i aplikimit p\u00ebr individ\u00ebt, deklarimi vullnetar p\u00ebr bizneset, modeli i fatur\u00ebs dhe formulari i pages\u00ebs p\u00ebr personat juridik\u00eb.<\/p>\n\n\n\n

Afati i ASHK-s\u00eb p\u00ebr regjistrim nuk kishte baz\u00eb ligjore<\/h3>\n\n\n\n

Tani \u00ebsht\u00eb i sakt\u00eb: 5 dit\u00eb pune nga konfirmimi i pages\u00ebs. Para udh\u00ebzimit, ky afat nuk ekzistonte dhe pronar\u00ebt nuk kishin mjet ligjor p\u00ebr t\u00eb shtyr\u00eb ASHK-n\u00eb t\u00eb veproj\u00eb.<\/p>\n\n\n\n

Kodet e pages\u00ebs nuk ishin publikuar zyrtarisht<\/h3>\n\n\n\n

Individ\u00ebt paguajn\u00eb me kodin e t\u00eb ardhurave 7020900, n\u00ebp\u00ebrmjet llogaris\u00eb s\u00eb posa\u00e7me t\u00eb ASHK-s\u00eb pran\u00eb bankave t\u00eb nivelit t\u00eb dyt\u00eb. Personat juridik\u00eb paguajn\u00eb me kodin 7020400, drejtp\u00ebrs\u00ebdrejti pran\u00eb Drejtoris\u00eb Rajonale Tatimore.<\/p>\n\n\n\n

Rregulli p\u00ebr pronat pa vler\u00eb kishte mbetur i paqart\u00eb<\/h3>\n\n\n\n

Udh\u00ebzimi 5\/2026 i d\u00ebrgon shprehimisht te formulat e udh\u00ebzimit 34\/2023 dhe Aneksi Nr. 1 i tij, duke specifikuar se si gjendet vlera e zbritshme p\u00ebr \u00e7do lloj prone pa vler\u00eb t\u00eb regjistruar.<\/p>\n\n\n\n

Procedura e kthimit t\u00eb pages\u00ebs gabim mungonte<\/h3>\n\n\n\n

Tani Kreu VII i udh\u00ebzimit e rregullon sakt\u00ebsisht: afatin, organin kompetent dhe rrug\u00ebn e kthimit.<\/p>\n\n\n\n

\n
Rezervo Konsult\u00ebn Falas <\/a><\/div>\n<\/div>\n\n\n\n

<\/p>\n\n\n\n

\n
\"\"<\/figure>\n<\/figure>\n\n\n\n

<\/p>\n\n\n\n

Si llogaritet baza tatimore \u2014 formula e sakt\u00eb, zbritja e amortizimit dhe rasti i \u00e7mimit minimal fiskal<\/h2>\n\n\n\n

Para se t\u00eb flasim p\u00ebr procedur\u00ebn, duhet t\u00eb kuptojm\u00eb si llogaritet tatimi konkretisht, sepse kjo ndikon drejtp\u00ebrs\u00ebdrejti vendimin tuaj p\u00ebr t\u00eb rivler\u00ebsuar apo jo, dhe me \u00e7far\u00eb vlere.<\/p>\n\n\n\n

Formula themelore e rivler\u00ebsimit \u00ebsht\u00eb:<\/p>\n\n\n\n

Tatimi = (Vlera e rivler\u00ebsimit \u2212 Vlera e zbritshme) \u00d7 5%<\/p><\/blockquote><\/figure>\n\n\n\n

Ku “vlera e rivler\u00ebsimit” mund t\u00eb jet\u00eb \u00e7mimi minimal fiskal sipas ASHK-s\u00eb ose vlera e aktit t\u00eb ekspertit privat, dhe “vlera e zbritshme” \u00ebsht\u00eb e fundit vler\u00eb e regjistruar mbi t\u00eb cil\u00ebn \u00ebsht\u00eb paguar tatim (blerja, rivler\u00ebsimi i m\u00ebparsh\u00ebm, trash\u00ebgimia me vler\u00eb, dhurimi me vler\u00eb).<\/p>\n\n\n\n

Rruga e par\u00eb: rivler\u00ebsimi me \u00e7mimet fiskale n\u00ebp\u00ebrmjet ASHK-s\u00eb<\/h3>\n\n\n\n

Kur zgjidhni q\u00eb ASHK-ja t\u00eb b\u00ebj\u00eb vet\u00eb llogaritjen pa ekspert privat, vlera e rivler\u00ebsimit llogaritet mbi baz\u00ebn e \u00e7mimeve minimale fiskale t\u00eb nd\u00ebrtesave, sipas VKM nr. 132\/2018<\/a> dhe raportit t\u00eb tij me \u00e7mimet e p\u00ebrdit\u00ebsuara zonale. Por \u00e7mimi referues nuk merret si i till\u00eb \u2014 i aplikohet zbritja e amortizimit.<\/p>\n\n\n\n

Amortizimi i nd\u00ebrtesave<\/h4>\n\n\n\n

\u00c7do vit i plot\u00eb nga data e fitimit t\u00eb titullit t\u00eb pron\u00ebsis\u00eb ul \u00e7mimin referues me 1%. Ulja maksimale \u00ebsht\u00eb 30% dhe nuk kalon kurr\u00eb k\u00ebt\u00eb kufi pavar\u00ebsisht vjet\u00ebrsis\u00eb. Kjo zbritje aplikohet vet\u00ebm p\u00ebr nd\u00ebrtesa, jo p\u00ebr tok\u00ebn.<\/p>\n\n\n\n

Formula e plot\u00eb p\u00ebr nd\u00ebrtesa:<\/p>\n\n\n\n

\u00c7mimi minimal fiskal i rivler\u00ebsimit = Sip\u00ebrfaqe (m\u00b2) \u00d7 \u00c7mim referues i zon\u00ebs \u00d7 [1 \u2212 (vitet e plota \u00d7 1%)\u00c7. Ku maksimumi i zbritjes \u00ebsht\u00eb 30%.<\/p>\n\n\n\n

\n

Shembull: apartament 85 m\u00b2 n\u00eb Tiran\u00eb, zona qendrore, \u00e7mimi referues i zon\u00ebs 2026 \u00ebsht\u00eb 150,000 lek\u00eb\/m\u00b2. Pron\u00ebsia e fituar p\u00ebr her\u00eb t\u00eb par\u00eb n\u00eb vitin 2003, pra 23 vjet t\u00eb plota deri n\u00eb 2026. Vlera e blerjes e regjistruar: 3,200,000 lek\u00eb.<\/p>\n\n\n\n

Zbritja e amortizimit: 23 \u00d7 1% = 23%.
\u00c7mimi i korrigjuar: 150,000 \u00d7 (1 \u2212 0.23) = 115,500 lek\u00eb\/m\u00b2.
Vlera e rivler\u00ebsimit: 85 \u00d7 115,500 = 9,817,500 lek\u00eb.
Vlera e zbritshme (blerja 2003): 3,200,000 lek\u00eb.
Baza tatimore: 9,817,500 \u2212 3,200,000 = 6,617,500 lek\u00eb.
Tatimi 5%: 330,875 lek\u00eb.
Tarifa e sh\u00ebrbimit: 10,000 lek\u00eb (tatimi mbi 300,000 lek\u00eb).
Kosto e plot\u00eb administrative: 340,875 lek\u00eb.<\/p>\n\n\n\n

N\u00ebse ky apartament shitet pa rivler\u00ebsim me 12,000,000 lek\u00eb, tatimi i shitjes do t\u00eb ishte: (12,000,000 \u2212 3,200,000) \u00d7 15% = 1,320,000 lek\u00eb. Diferenca n\u00eb favor t\u00eb rivler\u00ebsimit: 1,320,000 \u2212 340,875 = 979,125 lek\u00eb kursim.<\/p>\n<\/blockquote>\n\n\n\n

Rruga e dyt\u00eb: rivler\u00ebsimi me akt eksperti t\u00eb licencuar<\/h3>\n\n\n\n

Kjo rrug\u00eb ka nj\u00eb kusht t\u00eb shprehur nga udh\u00ebzimi 5\/2026 <\/a>q\u00eb shum\u00eb pronar\u00eb nuk e kan\u00eb parasysh: akti i ekspertit privat nuk mund t\u00eb tregoj\u00eb vler\u00eb n\u00ebn \u00e7mimin minimal fiskal me amortizim t\u00eb aplikuar. N\u00ebse eksperti vler\u00ebson pron\u00ebn n\u00ebn k\u00ebt\u00eb prag, ASHK-ja refuzon aktin automatikisht dhe procesi nis nga e para. Prandaj eksperti duhet ta njoh\u00eb k\u00ebt\u00eb kufizim para se t\u00eb filloj\u00eb inspektimin.<\/p>\n\n\n\n

Pse zgjidhni ekspert kur ka minimun? Sepse vlera reale e tregut shpesh \u00ebsht\u00eb ndjesh\u00ebm mbi \u00e7mimin minimal fiskal, sidomos n\u00eb zonat dinamike si Tirana, Durr\u00ebsi, Saranda apo bregdeti. N\u00ebse rivler\u00ebsoni me vler\u00ebn reale t\u00eb tregut, baza juaj e re e kostos do jet\u00eb sa af\u00ebr \u00e7mimit aktual t\u00eb tregut, dhe tatimi mbi fitimin kapital kur ta shisni pron\u00ebn do jet\u00eb minimal \u2014 sepse diferenca midis \u00e7mimit t\u00eb shitjes dhe baz\u00ebs suaj t\u00eb re do jet\u00eb shum\u00eb e vog\u00ebl.<\/p>\n\n\n\n

\n

Shembull: N\u00ebse prona juaj vlen sot 15,000,000 lek\u00eb dhe e rivler\u00ebsoni me akt eksperti pik\u00ebrisht me 15,000,000 lek\u00eb, kur ta shisni nes\u00ebr me 16,000,000 lek\u00eb do paguani 15% vet\u00ebm mbi 1,000,000 lek\u00eb diferenc\u00eb \u2014 dometh\u00ebn\u00eb 150,000 lek\u00eb tatim shitjeje, shum\u00eb e vog\u00ebl krahasuar me at\u00eb q\u00eb do paguanit pa rivler\u00ebsim. Prandaj eksperti privat favorizon pronar\u00ebt q\u00eb planifikojn\u00eb shitje afatshkurt\u00ebr dhe duan maksimumin e kursimit tatimor.<\/p>\n<\/blockquote>\n\n\n\n

Pronat pa vler\u00eb t\u00eb regjistruar \u2014 si gjendet vlera e zbritshme sipas tipit t\u00eb pron\u00ebs<\/h2>\n\n\n\n

Ky ka qen\u00eb nd\u00ebr pikat me diskutimin m\u00eb t\u00eb gjat\u00eb dhe konfuzionin m\u00eb t\u00eb madh nd\u00ebr klient\u00ebt tan\u00eb. Dhjet\u00ebra mij\u00ebra prona n\u00eb Shqip\u00ebri kan\u00eb vler\u00eb zero ose fare pa vler\u00eb t\u00eb regjistruar n\u00eb kartel\u00eb \u2014 prona t\u00eb privatizuara me Ligjin 7652\/1992<\/a>, prona t\u00eb marra me AMTP sipas Ligjit 7501\/1991<\/a>, prona t\u00eb trash\u00ebguara pa akt noteri me vler\u00eb, prona t\u00eb legalizuara. Udh\u00ebzimi 5\/2026, duke u referuar te Udh\u00ebzimi 34\/2023 <\/a>dhe anekset e tij, i sqaron me formula t\u00eb qarta sipas tipit t\u00eb pron\u00ebs.<\/p>\n\n\n\n

Rasti i nd\u00ebrtesave pa vler\u00eb blerje<\/h3>\n\n\n\n

Kur b\u00ebhet fjal\u00eb p\u00ebr nd\u00ebrtesa t\u00eb regjistruara pa vler\u00eb blerje \u2014 si ato t\u00eb privatizuara sipas ligjit 7652, t\u00eb trash\u00ebguara pa vler\u00eb, apo t\u00eb dh\u00ebna falas n\u00ebp\u00ebrmjet akteve administrative \u2014 si vler\u00eb e zbritshme merret kostoja e shfryt\u00ebzimit p\u00ebr met\u00ebr katror e caktuar nga Enti Komb\u00ebtar i Banesave (EKB)<\/a>, sipas vitit kur pasuria \u00ebsht\u00eb regjistruar pran\u00eb DVASHK-s\u00eb. Pra, n\u00ebse banesa juaj \u00ebsht\u00eb regjistruar zyrtarisht n\u00eb vitin 2001, kostoja EKB e vitit 2001 shum\u00ebzohet me sip\u00ebrfaqen dhe kjo \u00ebsht\u00eb vlera e zbritshme.<\/p>\n\n\n\n

\n

Shembull: apartament 70 m\u00b2 i privatizuar, regjistruar n\u00eb DVASHK n\u00eb vitin 1999. Kostoja e shfryt\u00ebzimit EKB p\u00ebr 1999 sipas tabelave \u00ebsht\u00eb 8,000 lek\u00eb\/m\u00b2. Vlera e zbritshme: 70 \u00d7 8,000 = 560,000 lek\u00eb. N\u00ebse \u00e7mimi minimal fiskal sot (me amortizim 27 vitesh = 27% ulje) \u00ebsht\u00eb 7,500,000 lek\u00eb, baza tatimore \u00ebsht\u00eb 7,500,000 \u2212 560,000 = 6,940,000 lek\u00eb dhe tatimi 5% do t\u00eb jet\u00eb 347,000 lek\u00eb.<\/p>\n<\/blockquote>\n\n\n\n

Rasti i tokave pa vler\u00eb blerje<\/h3>\n\n\n\n

P\u00ebr tok\u00ebn e fituar pa \u00e7mim \u2014 me AMTP, vendim gjykate apo trash\u00ebgimi pa vler\u00eb t\u00eb regjistruar \u2014 formula ndryshon. Si vler\u00eb e zbritshme merret \u00e7mimi aktual sipas hart\u00ebs s\u00eb vlerave, i pjes\u00ebtuar me indeksin e inflacionit t\u00eb vitit kur \u00ebsht\u00eb fituar pron\u00ebsia. Tabela e indekseve t\u00eb inflacionit ndodhet n\u00eb Aneksin Nr. 1 t\u00eb Udh\u00ebzimit 34\/2023 <\/a>dhe mbulon periudh\u00ebn nga viti 1989 deri n\u00eb 2023.<\/p>\n\n\n\n

Logjika e k\u00ebsaj formule \u00ebsht\u00eb e thjesht\u00eb: meq\u00eb nuk keni paguar asgj\u00eb p\u00ebr tok\u00ebn, vlera e zbritshme llogaritet duke llogaritur vler\u00ebn e sotme t\u00eb tregut prapa n\u00eb koh\u00eb, sipas inflacionit. Kjo ju jep nj\u00eb baz\u00eb t\u00eb arsyeshme pa e b\u00ebr\u00eb zero \u2014 gj\u00eb q\u00eb do t\u00eb thot\u00eb tatim mbi 100% t\u00eb vler\u00ebs aktuale.<\/p>\n\n\n\n

\n

Shembull: tok\u00eb bujq\u00ebsore 5,000 m\u00b2, zon\u00eb periferike Fier, fituar me AMTP n\u00eb vitin 1993. \u00c7mimi sipas hart\u00ebs s\u00eb vlerave sot: 280 lek\u00eb\/m\u00b2. Vlera totale sipas hart\u00ebs: 5,000 \u00d7 280 = 1,400,000 lek\u00eb. Indeksi i inflacionit p\u00ebr vitin 1993 sipas Aneksit 1: 4.250.<\/p>\n\n\n\n

Vlera e zbritshme: 1,400,000 \u00f7 4.250 = 329,412 lek\u00eb.
Baza tatimore: 1,400,000 \u2212 329,412 = 1,070,588 lek\u00eb.
Tatimi 5%: 53,529 lek\u00eb.
Tarifa e sh\u00ebrbimit: 3,500 lek\u00eb (tatimi n\u00ebn 150,000 lek\u00eb).
Totali: 57,029 lek\u00eb.<\/p>\n\n\n\n

Krahasoni: n\u00ebse e nj\u00ebjta tok\u00eb shitet pa rivler\u00ebsim me 1,600,000 lek\u00eb, tatimi i shitjes 15% mbi fitim do t\u00eb ishte: (1,600,000 \u2212 329,412) \u00d7 15% = 190,588 lek\u00eb. Kursimi: 190,588 \u2212 57,029 = rreth 133,000 lek\u00eb, pothuajse 2.5 her\u00eb diferenca. Dhe kjo duke mos llogaritur vler\u00ebsimet e m\u00ebtejshme t\u00eb \u00e7mimit.<\/p>\n<\/blockquote>\n\n\n\n

Rasti i pronave t\u00eb privatizuara me Ligjin 7652\/1992 \u2014 apartamentet e para<\/h3>\n\n\n\n

Ky tip prone ka trajtim t\u00eb ve\u00e7ant\u00eb sipas Udh\u00ebzimit 34\/2023, t\u00eb konfirmuar edhe nga udh\u00ebzimi 5\/2026. Kur b\u00ebhet fjal\u00eb p\u00ebr shitjen e par\u00eb t\u00eb apartamentit t\u00eb privatizuar (pra, pronari origjinal i privatizimit shet p\u00ebr her\u00eb t\u00eb par\u00eb), \u00e7mimi referues minimal fiskal aplikohet me 50% \u2014 dometh\u00ebn\u00eb merret gjysma e \u00e7mimit referues t\u00eb zon\u00ebs pa aplikuar zbritje amortizimi. Ky privilegj vlen vet\u00ebm p\u00ebr shitjen e par\u00eb nga pronari i privatizimit.<\/p>\n\n\n\n

N\u00ebse apartamenti \u00ebsht\u00eb shitur tashm\u00eb dhe tani e zot\u00ebron bler\u00ebsi i par\u00eb, ky trajtim preferencial nuk aplikohet m\u00eb. N\u00ebse ky bler\u00ebs d\u00ebshiron ta rivler\u00ebsoj\u00eb, vlera e zbritshme \u00ebsht\u00eb \u00e7mimi i blerjes t\u00eb regjistruar prej tij.<\/p>\n\n\n\n

\n
Rezervo Konsult\u00ebn Falas <\/a><\/div>\n<\/div>\n\n\n\n

<\/p>\n\n\n\n

Procedura e aplikimit hap pas hapi sipas udh\u00ebzimit<\/h2>\n\n\n\n

Udh\u00ebzimi 5\/2026 (Kreu III dhe IV) e strukturon procesin n\u00eb pes\u00eb hapa t\u00eb nj\u00ebpasnj\u00ebsh\u00ebm, me afate t\u00eb qarta kohore p\u00ebr \u00e7do faz\u00eb.<\/p>\n\n\n\n

Hapi 1: Aplikimi n\u00ebp\u00ebrmjet e-Albania<\/h3>\n\n\n\n

Individi aplikon n\u00ebp\u00ebrmjet portalit qeveritar e-Albania, duke plot\u00ebsuar formularin sipas modelit t\u00eb Shtojc\u00ebs Nr. 1 t\u00eb udh\u00ebzimit. N\u00eb formular duhet t\u00eb jepen: zona kadastrale, numri i pasuris\u00eb dhe kodi unik ZK-Volum-Faqe. N\u00ebse individi nuk disponon k\u00ebto t\u00eb dh\u00ebna, mund t\u00eb ngarkoj\u00eb skanimin e certifikat\u00ebs s\u00eb pron\u00ebsis\u00eb dhe punonj\u00ebsi i ASHK-s\u00eb e identifikon pron\u00ebn vet\u00eb.<\/p>\n\n\n\n

Aplikimi i drejtohet drejtoris\u00eb vendore t\u00eb ASHK-s\u00eb ku ndodhet pasuria gjeografikisht, jo drejtoris\u00eb ku jeton pronari. Prandaj n\u00ebse jetoni n\u00eb Tiran\u00eb dhe prona ndodhet n\u00eb Shkod\u00ebr, aplikimi shkoi tek ASHK Shkod\u00ebr.<\/p>\n\n\n\n

Bashk\u00eb me aplikimin, duhet t\u00eb paraqisni edhe k\u00ebrkes\u00eb p\u00ebr kopje t\u00eb kartel\u00ebs s\u00eb pasuris\u00eb, sepse pas finalizimit t\u00eb rivler\u00ebsimit do t\u00eb d\u00ebshironi certifikat\u00ebn e p\u00ebrdit\u00ebsuar me vler\u00ebn e re. N\u00ebse b\u00ebhet n\u00ebp\u00ebrmjet p\u00ebrfaq\u00ebsuesi, ky i fundit duhet t\u00eb ket\u00eb prokur\u00eb t\u00eb vlefshme.<\/p>\n\n\n\n

Hapi 2: Verifikimi nga ASHK dhe gjenerimi i fatur\u00ebs brenda 2 dit\u00ebve pune<\/h3>\n\n\n\n

Brenda 2 dit\u00ebve pune nga pranimi i aplikimit, punonj\u00ebsi i ASHK-s\u00eb kryen dy veprime: verifikon n\u00ebse aplikuesi \u00ebsht\u00eb pronar ose bashk\u00ebpronar i regjistruar, dhe kontrollon n\u00ebse prona identifikohet sakt\u00eb. N\u00ebse kushtet plot\u00ebsohen, sistemi gjeneron fatur\u00ebn elektronike sipas modelit t\u00eb Shtojc\u00ebs Nr. 3, e cila p\u00ebrmban: shum\u00ebn e tatimit 5%, tarif\u00ebn e sh\u00ebrbimit dhe referenc\u00ebn e pages\u00ebs.<\/p>\n\n\n\n

Fatura d\u00ebrgohet te aplikuesi n\u00ebp\u00ebrmjet portalit e-Albania. N\u00ebse procesi b\u00ebhej fizikisht n\u00eb sportel, fatura do t\u00eb printohej dhe dor\u00ebzohej atje. Afati i pages\u00ebs sh\u00ebnohet n\u00eb fatur\u00eb dhe \u00ebsht\u00eb 30 dit\u00eb nga data e gjenerimit.<\/p>\n\n\n\n

N\u00ebse aplikimi refuzohet nga ASHK-ja, individi njoftohet elektronikisht me arsyen e refuzimit dhe mund t\u00eb korrigjoj\u00eb dhe riaplioj\u00eb.<\/p>\n\n\n\n

Hapi 3: Pagesa e tatimit dhe tarif\u00ebs<\/h3>\n\n\n\n

Pasi keni marr\u00eb fatur\u00ebn, kryeni pages\u00ebn pran\u00eb \u00e7do banke t\u00eb nivelit t\u00eb dyt\u00eb, duke vendosur referenc\u00ebn e fatur\u00ebs. Individ\u00ebt paguajn\u00eb n\u00eb llogarin\u00eb e posa\u00e7me t\u00eb drejtoris\u00eb vendore t\u00eb ASHK-s\u00eb. Ky sistem \u00ebsht\u00eb i r\u00ebnd\u00ebsish\u00ebm p\u00ebr t’u kuptuar: ASHK-ja funksionon si agjent tatimor, mbledh shum\u00ebn dhe deri m\u00eb dat\u00ebn 10 t\u00eb \u00e7do muaji pasardh\u00ebs e transferon tatimin e mbledhur gjat\u00eb muajit t\u00eb kaluar n\u00eb llogarin\u00eb e buxhetit t\u00eb shtetit me kodin 7020900.<\/p>\n\n\n\n

Kjo n\u00ebnkupton di\u00e7ka praktike: n\u00ebse paguani tatimin e rivler\u00ebsimit m\u00eb 28 dhjetor 2026, ASHK-ja e transferon shum\u00ebn tek buxheti deri m\u00eb 10 janar 2027. Afati 31 dhjetor 2026 n\u00ebnkupton dat\u00ebn e pages\u00ebs, jo dat\u00ebn e transferimit.<\/p>\n\n\n\n

Hapi 4: Pasqyrimi n\u00eb regjistrin kadastral brenda 5 dit\u00ebve pune<\/h3>\n\n\n\n

Brenda 5 dit\u00ebve pune nga verifikimi i pages\u00ebs, ASHK-ja kryen sh\u00ebnimet n\u00eb kartel\u00ebn kadastrale t\u00eb pasuris\u00eb. N\u00eb seksionin “A” t\u00eb kartel\u00ebs regjistrohen: data e rivler\u00ebsimit (= data e pagimit t\u00eb tatimit), vlera e re dhe referenca arkivore e dokumentit.<\/p>\n\n\n\n

Ky afat 5-ditor \u00ebsht\u00eb i detyruesh\u00ebm dhe ligj\u00ebrisht i qart\u00eb. N\u00ebse ASHK-ja nuk vepron brenda tij, keni baz\u00eb ligjore p\u00ebr t\u00eb paraqitur k\u00ebrkes\u00eb me shkrim.<\/p>\n\n\n\n

Hapi 5: Marrja e kartel\u00ebs kadastrale t\u00eb p\u00ebrdit\u00ebsuar<\/h3>\n\n\n\n

Pas regjistrimit, mund t\u00eb k\u00ebrkoni kopje t\u00eb kartel\u00ebs kadastrale me vler\u00ebn e re \u2014 me pages\u00eb t\u00eb tarif\u00ebs kadastrale standarde. Kjo certifikat\u00eb e re \u00ebsht\u00eb dokumenti tuaj i ri baz\u00eb \u2014 ruajeni si t\u00eb re baz\u00eb kostoje p\u00ebr \u00e7do transaksion t\u00eb ardhsh\u00ebm me pron\u00ebn.<\/p>\n\n\n\n

N\u00ebse mendoni t\u00eb aplikoni n\u00eb n\u00ebntor apo dhjetor 2026, jini t\u00eb nd\u00ebrgjegjsh\u00ebm se fluks i lart\u00eb i aplikimeve pran\u00eb ASHK-ve mund t\u00eb ngadal\u00ebsoj\u00eb procesin e verifikimit dhe gjenerimit t\u00eb fatur\u00ebs. Meq\u00eb afati vlen p\u00ebr dat\u00ebn e pages\u00ebs dhe jo t\u00eb aplikimit, \u00e7do vones\u00eb e ASHK-s\u00eb rrezikon t’ju kaloj\u00eb afatin. Rekomandojm\u00eb aplikim gjat\u00eb periudh\u00ebs mars\u2013tetor 2026.<\/p>\n\n\n\n

Tarifat zyrtare t\u00eb sh\u00ebrbimit \u2014 tabela dhe kodi rvp<\/h2>\n\n\n\n

Udh\u00ebzimi 5\/2026 (Kreu VIII) publikon p\u00ebr her\u00eb t\u00eb par\u00eb tarif\u00ebn zyrtare t\u00eb sh\u00ebrbimit kadastral q\u00eb ASHK-ja aplikon mbi procesin e rivler\u00ebsimit. Kodi i sh\u00ebrbimit sipas tabel\u00ebs \u00ebsht\u00eb RVP dhe tarifa varion sipas madh\u00ebsis\u00eb s\u00eb tatimit 5% q\u00eb paguhet, jo sipas vler\u00ebs absolute t\u00eb pron\u00ebs.<\/p>\n\n\n\n

\n

Kur tatimi 5% i rivler\u00ebsimit \u00ebsht\u00eb deri n\u00eb 150,000 lek\u00eb, tarifa e sh\u00ebrbimit RVP \u00ebsht\u00eb 3,500 lek\u00eb.
Kur tatimi 5% i rivler\u00ebsimit \u00ebsht\u00eb nga 150,001 deri 300,000 lek\u00eb, tarifa e sh\u00ebrbimit RVP \u00ebsht\u00eb 7,000 lek\u00eb.
Kur tatimi 5% i rivler\u00ebsimit \u00ebsht\u00eb mbi 300,001 lek\u00eb, tarifa e sh\u00ebrbimit RVP \u00ebsht\u00eb 10,000 lek\u00eb.<\/p>\n<\/blockquote>\n\n\n\n

Tarifa e sh\u00ebrbimit paguhet ve\u00e7mas nga tatimi 5% dhe t\u00eb dyja bashk\u00eb p\u00ebrb\u00ebjn\u00eb koston totale administrative t\u00eb procesit. N\u00ebse keni zgjedhur ekspert privat, shtohet edhe kostoja e aktit t\u00eb tij \u2014 e cila sipas tregut aktualisht luhatet nd\u00ebrmjet 30,000 dhe 100,000 lek\u00eb p\u00ebr pron\u00eb, var\u00ebsisht nga lloji dhe sip\u00ebrfaqja.<\/p>\n\n\n\n

\n

Shembull i llogaritjes totale: pron\u00eb me diferenc\u00eb rivler\u00ebsimi 10,000,000 lek\u00eb. Tatimi 5%: 500,000 lek\u00eb. Tarifa RVP: 10,000 lek\u00eb. N\u00ebse shtoni koston e ekspertit, p.sh. 60,000 lek\u00eb, kosto totale e procesit: 570,000 lek\u00eb. Ky kosto krahasuar me tatimin e shitjes pa rivler\u00ebsim: n\u00ebse do ta shisni pron\u00ebn nes\u00ebr me 13,000,000 lek\u00eb, tatimi 15% do t\u00eb ishte rreth 1,500,000 lek\u00eb (n\u00ebse vlera e m\u00ebparshme ishte e ul\u00ebt). Kursimi neto: rreth 930,000 lek\u00eb.<\/p>\n<\/blockquote>\n\n\n\n

A duhet t\u00eb jet\u00eb e regjistruar prona? \u2014 tre skenar\u00ebt e mundsh\u00ebm<\/h2>\n\n\n\n

Pyetja “a duhet ta regjistrojm\u00eb pron\u00ebn para se ta rivler\u00ebsojm\u00eb” ka ardhur shpesh pran\u00eb nesh dhe \u00ebsht\u00eb e ligjshme, sepse Shqip\u00ebria ka ende mij\u00ebra prona me status t\u00eb paqart\u00eb kadastral. Udh\u00ebzimi 5\/2026 (Kreu V) e trajton me sakt\u00ebsi n\u00ebp\u00ebrmjet tre skenar\u00ebve.<\/p>\n\n\n\n

Skenari i par\u00eb \u2014 prona e regjistruar plot\u00ebsisht dhe figura n\u00eb kartel\u00ebn kadastrale<\/h3>\n\n\n\n

Ky \u00ebsht\u00eb rasti standard. N\u00ebse prona juaj ka kartel\u00eb kadastrale t\u00eb plot\u00eb dhe figura si aktive, procesi i rivler\u00ebsimit zhvillohet pa pengesa. Sh\u00ebnimet e rivler\u00ebsimit pasqyrohen drejtp\u00ebrs\u00ebdrejti n\u00eb seksionin “A” t\u00eb kartel\u00ebs ekzistuese. Nuk nevojitet asnj\u00eb hap paraprak.<\/p>\n\n\n\n

Skenari i dyt\u00eb \u2014 prona ndodhet n\u00eb zon\u00eb t\u00eb regjistruar, por nuk figura n\u00eb regjistrin kadastral<\/h3>\n\n\n\n

Kjo ndodh shpesh me prona q\u00eb kan\u00eb titull pron\u00ebsie (certifikat\u00eb, AMTP, vendim gjykate, d\u00ebshmi trash\u00ebgimie) por nuk jan\u00eb regjistruar fizikisht n\u00eb sistemin kadastral. Raste tipike: prona t\u00eb trash\u00ebguara ku d\u00ebshmia e trash\u00ebgimis\u00eb nuk \u00ebsht\u00eb d\u00ebrguar kurr\u00eb tek ASHK-ja, prona t\u00eb bler\u00eb ku akti noterial nuk \u00ebsht\u00eb paraqitur p\u00ebr regjistrim, ose prona t\u00eb nd\u00ebrtimit t\u00eb ri pas vitit 2000 pa certifikat\u00eb p\u00ebrfundimtare.<\/p>\n\n\n\n

Ligji \u00ebsht\u00eb i qart\u00eb: fillimisht duhet aplikuar p\u00ebr regjistrimin e pasuris\u00eb n\u00ebp\u00ebrmjet e-Albania, duke paraqitur titullin e pron\u00ebsis\u00eb dhe dokumentacionin provues. Vet\u00ebm pasi prona t\u00eb jet\u00eb regjistruar mund t\u00eb kryhet aplikimi p\u00ebr rivler\u00ebsim. Ky hap shtes\u00eb merr koh\u00eb \u2014 planifikojeni me avanc\u00eb n\u00ebse jeni n\u00eb k\u00ebt\u00eb situat\u00eb.<\/p>\n\n\n\n

Skenari i tret\u00eb \u2014 prona ndodhet n\u00eb zon\u00eb kadastrale pa regjistrim fillestar<\/h3>\n\n\n\n

Ky \u00ebsht\u00eb rasti m\u00eb delikat dhe k\u00ebrkon v\u00ebmendje t\u00eb ve\u00e7ant\u00eb. Ka zona rurale dhe periferike ku procesi shtet\u00ebror i regjistrimit fillestar kadastral (inventarizimi i par\u00eb i t\u00eb gjitha pronave t\u00eb zon\u00ebs) nuk ka filluar ende ose nuk ka p\u00ebrfunduar. N\u00eb k\u00ebto zona, pronat nuk kan\u00eb kartel\u00eb kadastrale klasike.<\/p>\n\n\n\n

Udh\u00ebzimi parashikon q\u00eb rivler\u00ebsimi t\u00eb mund t\u00eb procedohet edhe p\u00ebr k\u00ebto prona \u2014 sh\u00ebnimet pasqyrohen n\u00eb regjistrin hipotekar ose kartelat jop\u00ebrfundimtare. Pas p\u00ebrfundimit t\u00eb regjistrimit fillestar t\u00eb zon\u00ebs, n\u00ebse titulli juaj konfirmohet si i ligjsh\u00ebm, sh\u00ebnimet e rivler\u00ebsimit transferohen n\u00eb kartel\u00ebn e rregullt.<\/p>\n\n\n\n

Por ja kujdesi: n\u00ebse titulli juaj refuzohet gjat\u00eb procesit t\u00eb regjistrimit fillestar, vlera e rivler\u00ebsimit nuk pasqyrohet dhe tatimi i paguar nuk kthehet. Prandaj, para se t\u00eb paguani tatimin e rivler\u00ebsimit p\u00ebr pron\u00eb n\u00eb zon\u00eb pa regjistrim fillestar, konsultohuni me ekspert juridik mbi gjendjen dhe forc\u00ebn ligjore t\u00eb dokumentit tuaj t\u00eb pron\u00ebsis\u00eb. Rreziku nuk \u00ebsht\u00eb zero.<\/p>\n\n\n\n

\n
Rezervo Konsult\u00ebn Falas <\/a><\/div>\n<\/div>\n\n\n\n

<\/p>\n\n\n\n

\u00c7far\u00eb ndryshon p\u00ebr personat juridik\u00eb \u2014 procedura, dokumentet dhe efektet kontab\u00ebl<\/h2>\n\n\n\n

Bizneset \u2014 shoq\u00ebrit\u00eb tregtare (sh.a., sh.p.k.) dhe \u00e7do person tjet\u00ebr juridik \u2014 kan\u00eb t\u00eb drejt\u00ebn dhe mund\u00ebsin\u00eb e rivler\u00ebsimit, por procedura e tyre ndryshon thelb\u00ebsisht nga ajo e individ\u00ebve. Udh\u00ebzimi 5\/2026 (Kreu VI) i trajton me shum\u00eb detaje.<\/p>\n\n\n\n

Ku paraqiten dokumentet ?<\/h3>\n\n\n\n

Bizneset nuk aplikojn\u00eb tek ASHK-ja. Aplikimi dhe dokumentacioni paraqiten pran\u00eb Drejtoris\u00eb Rajonale Tatimore (DRT) ku personi juridik \u00ebsht\u00eb i regjistruar tatimisht. Kjo \u00ebsht\u00eb ndryshimi procedural i par\u00eb dhe themelor.<\/p>\n\n\n\n

Kush e b\u00ebn vler\u00ebsimin ?<\/h3>\n\n\n\n

Bizneset nuk kan\u00eb opsionin e vler\u00ebsimit nga ASHK me \u00e7mimet fiskale. M\u00ebnyra e vetme e ligjshme p\u00ebr personat juridik\u00eb \u00ebsht\u00eb vler\u00ebsimi nga ekspert i pavarur i licencuar. Kjo do t\u00eb thot\u00eb kosto shtes\u00eb p\u00ebr kompensimin e ekspertit, por do t\u00eb thot\u00eb edhe vler\u00eb reale tregu \u2014 gj\u00eb q\u00eb, si\u00e7 shpjeguam, \u00ebsht\u00eb tatimisht avantazhuese n\u00ebse planifikoni shitje.<\/p>\n\n\n\n

\u00c7far\u00eb sh\u00ebrben si baz\u00eb tatimore<\/h3>\n\n\n\n

Ndryshe nga individ\u00ebt ku vlera e zbritshme \u00ebsht\u00eb \u00e7mimi i blerjes historike, p\u00ebr bizneset vlera e zbritshme \u00ebsht\u00eb vlera kontab\u00ebl e pasuris\u00eb sipas bilancit t\u00eb vitit 2025 \u2014 dometh\u00ebn\u00eb \u00e7mimi i blerjes minus amortizimin kontab\u00ebl t\u00eb akumuluar deri n\u00eb 31 dhjetor 2025. Prandaj, sa m\u00eb e amortizuar \u00ebsht\u00eb prona, aq m\u00eb e lart\u00eb do jet\u00eb baza tatimore dhe aq m\u00eb i lart\u00eb tatimi 5%. Por nj\u00ebkoh\u00ebsisht, aq m\u00eb i madh do jet\u00eb edhe kursimi n\u00eb tatimin e shitjes.<\/p>\n\n\n\n

Diferenca e rivler\u00ebsimit dhe efektet kontab\u00ebl<\/h3>\n\n\n\n

Pas kryerjes s\u00eb rivler\u00ebsimit dhe regjistrimit, diferenca midis vler\u00ebs s\u00eb rivler\u00ebsimit dhe vler\u00ebs kontab\u00ebl paraprak pasqyrohet si rritje e vler\u00ebs s\u00eb aktivit n\u00eb bilanc (debi aktivi afatgjat\u00eb material), me kund\u00ebrparti ose fondimin e rezerv\u00ebs s\u00eb rivler\u00ebsimit n\u00eb seksionin e kapitalit (kredit kapitalit shtes\u00eb), ose reduktimin e humbjeve t\u00eb mbartura. Efekti: bilanci i kompanis\u00eb forcohet, raporti kapital\/detyrime (debt-to-equity ratio) p\u00ebrmir\u00ebsohet dhe prona mund t\u00eb sh\u00ebrbej\u00eb si kolateral me vler\u00eb shum\u00eb m\u00eb t\u00eb lart\u00eb pran\u00eb bankave.<\/p>\n\n\n\n

Dokumentet e nevojshme p\u00ebr t’u dor\u00ebzuar pran\u00eb DRT-s\u00eb<\/p>\n\n\n\n

\u2014 Deklarimi vullnetar p\u00ebr rivler\u00ebsim sipas Shtojc\u00ebs Nr. 2 t\u00eb Udh\u00ebzimit 5\/2026.
\u2014 Prokur\u00eb e p\u00ebrfaq\u00ebsuesit ligjor, n\u00ebse procedura kryhet nga dikush tjet\u00ebr p\u00ebrve\u00e7 administratorit.
\u2014 Kopje e licenc\u00ebs dhe identitetit t\u00eb ekspertit t\u00eb pavarur.
\u2014 Kopje e fatur\u00ebs s\u00eb sh\u00ebrbimit t\u00eb ekspertit privat.
\u2014 Akti origjinal i vler\u00ebsimit \u2014 duhet t\u00eb jet\u00eb origjinali i n\u00ebnshkruar dhe vulosur, jo fotokopje.
\u2014 Pasqyrat financiare t\u00eb vitit 2025 (bilanci + pasqyra e fitimit\/humbjes), ku figura pasuria e rivler\u00ebsuar si aktiv afatgjat\u00eb material, bashk\u00eb me anekset shpjeguese.
\u2014 Kopje e mandatit t\u00eb pages\u00ebs s\u00eb tatimit 5%, kryer sipas modelit t\u00eb Shtojc\u00ebs Nr. 4 me kodin 7020400.<\/p>\n\n\n\n

Data e rivler\u00ebsimit p\u00ebr personat juridik\u00eb, po ashtu si p\u00ebr individ\u00ebt, konsiderohet data kur kryhet pagesa e tatimit.<\/p>\n\n\n\n

Amortizimi i rivler\u00ebsimit nuk njihet p\u00ebr q\u00ebllime fiskale<\/h3>\n\n\n\n

Ky seksion adresohet drejtp\u00ebrdrejt klient\u00ebve t\u00eb biznesit q\u00eb kan\u00eb pasuri t\u00eb paluajtshme n\u00eb em\u00ebr t\u00eb kompanis\u00eb dhe po planifikojn\u00eb rivler\u00ebsimin. \u00cbsht\u00eb pika ku ka keqkuptime m\u00eb t\u00eb shpeshta dhe ku planifikimi tatimor ka vler\u00eb reale.<\/p>\n\n\n\n

Pasi b\u00ebhet rivler\u00ebsimi, vlera e pasuris\u00eb rritet ndjesh\u00ebm n\u00eb bilanc. Logjikisht, shum\u00eb kontabilist\u00eb dhe administrator\u00eb mendojn\u00eb: “Meq\u00eb vlera e aktivit u rrit me 40,000,000 lek\u00eb, tani mund ta amortizojm\u00eb edhe k\u00ebt\u00eb shtes\u00eb si shpenzim tatimor.” Kjo mendim \u00ebsht\u00eb i gabuar dhe ligji \u00ebsht\u00eb i qart\u00eb.<\/p>\n\n\n\n

Neni 2, pika 5 e Ligjit 85\/2025 dhe Udh\u00ebzimi 5\/2026 (Kreu VI, pika 2.2) e specifikojn\u00eb shprehimisht: diferenca midis vler\u00ebs s\u00eb rivler\u00ebsimit dhe vler\u00ebs kontab\u00ebl t\u00eb m\u00ebparshme nuk \u00ebsht\u00eb objekt amortizimi p\u00ebr q\u00ebllime tatimore.<\/p>\n\n\n\n

\u00c7far\u00eb do t\u00eb thot\u00eb kjo n\u00eb praktik\u00eb? Kompania regjistron vler\u00ebn e re t\u00eb aktivit n\u00eb bilanc (efekt kontab\u00ebl pozitiv \u2014 rritje aseti, rritje kapitali), por nuk mund ta amortizoj\u00eb rritjen e vler\u00ebs si shpenzim i zbritsh\u00ebm tatimor vit pas viti. Vet\u00ebm kostoja historike origjinale e blerjes vazhdon t\u00eb amortizohet sipas skem\u00ebs dhe normave ekzistuese.<\/p>\n\n\n\n

\n

Shembull i plot\u00eb:<\/p>\n\n\n\n

Kompania “Beta sh.p.k.” ka bler\u00eb godin\u00eb biznesi n\u00eb vitin 2013 p\u00ebr 45,000,000 lek\u00eb. Pas 13 viteve amortizimi me norm\u00eb 5% vjetore, vlera kontab\u00ebl sot \u00ebsht\u00eb 45,000,000 \u2212 (45,000,000 \u00d7 5% \u00d7 13) = 15,750,000 lek\u00eb. Eksperti e vler\u00ebson godin\u00ebn sot me 95,000,000 lek\u00eb.<\/p>\n\n\n\n

Diferenca e rivler\u00ebsimit: 95,000,000 \u2212 15,750,000 = 79,250,000 lek\u00eb.
Tatimi 5% i rivler\u00ebsimit: 79,250,000 \u00d7 5% = 3,962,500 lek\u00eb.
Tatimi 5% si shpenzim i zbritsh\u00ebm nga tatimi mbi fitimin (15% \u00d7 3,962,500): \u2212594,375 lek\u00eb kursim tatimi fitimi.
Kosto neto e rivler\u00ebsimit: 3,962,500 \u2212 594,375 = 3,368,125 lek\u00eb.
Amortizim tatimor shtes\u00eb nga diferenca 79,250,000 lek\u00eb: zero \u2014 nuk lejohet.<\/p>\n\n\n\n

N\u00ebse prona shitet pas 2 vitesh me 105,000,000 lek\u00eb:<\/p>\n\n\n\n

Pa rivler\u00ebsim \u2014 fitim kapital: 105,000,000 \u2212 15,750,000 = 89,250,000 \u2192 tatim 15%: 13,387,500 lek\u00eb.
Me rivler\u00ebsim \u2014 fitim kapital: 105,000,000 \u2212 95,000,000 = 10,000,000 \u2192 tatim 15%: 1,500,000 lek\u00eb.
Kursim tatimi shitjeje: 11,887,500 lek\u00eb.
Kosto neto e rivler\u00ebsimit: 3,368,125 lek\u00eb.
Fitim neto tatimor: 11,887,500 \u2212 3,368,125 = 8,519,375 lek\u00eb.<\/p>\n\n\n\n

Kjo diferenc\u00eb e madhe \u2014 rreth 8.5 milion\u00eb lek\u00eb kursim neto \u2014 e justifikon rivler\u00ebsimin pa asnj\u00eb dyshim p\u00ebr bizneset me plan shitjeje afatshkurt\u00ebr ose afatmes\u00ebm. Edhe n\u00ebse nuk planifikoni shitje, fakti q\u00eb prona kalon si kolateral me vler\u00eb 95,000,000 lek\u00eb (n\u00eb vend t\u00eb 15,750,000 lek\u00ebve kontab\u00ebl) mund t’ju hap\u00eb akses financimi bankar shum\u00eb m\u00eb t\u00eb madh.<\/p>\n<\/blockquote>\n\n\n\n

\n
Rezervo Konsult\u00ebn Falas <\/a><\/div>\n<\/div>\n\n\n\n

<\/p>\n\n\n\n

N\u00ebse keni paguar gabim \u2014 si kthehet tatimi sipas udh\u00ebzimit<\/h2>\n\n\n\n

Udh\u00ebzimi 5\/2026 (Kreu VII) rregullon shprehimisht procedur\u00ebn e kthimit t\u00eb tatimit t\u00eb paguar gabim. Ky mekaniz\u00ebm mungonte si udh\u00ebzim i shprehur dhe tani \u00ebsht\u00eb i qart\u00eb.<\/p>\n\n\n\n

N\u00ebse konstatoni se pagesa ka qen\u00eb e gabuar \u2014 shum\u00eb e tep\u00ebrt, pron\u00eb e gabuar, aplikim i dyfisht\u00eb \u2014 procedura varet nga momenti kur e konstatoni gabimin.<\/p>\n\n\n\n

N\u00ebse k\u00ebrkes\u00ebn e paraqisni brenda dat\u00ebs 10 t\u00eb muajit pasardh\u00ebs nga data e pages\u00ebs, drejtoria vendore e ASHK-s\u00eb ka autoritetin t’ju kthej\u00eb shum\u00ebn direkt dhe vet\u00eb. Nuk nevojitet asnj\u00eb hap tjet\u00ebr \u2014 paraqisni k\u00ebrkes\u00eb me shkrim, bashk\u00eblidhni mandatin e pages\u00ebs origjinal dhe prova t\u00eb gabimit, dhe ASHK-ja e procedon.<\/p>\n\n\n\n

N\u00ebse afati 10-ditor ka kaluar dhe shuma ka transferuar tashm\u00eb n\u00eb llogarin\u00eb e buxhetit t\u00eb shtetit, rruga \u00ebsht\u00eb ndryshe. Paraqisni k\u00ebrkes\u00eb pran\u00eb Drejtoris\u00eb Tatimore kompetente (jo ASHK-s\u00eb). Drejtoria Tatimore k\u00ebrkon nga drejtoria vendore e ASHK-s\u00eb dokumentacionin justifikues q\u00eb konfirmon gabimin. Pasi e administron, proceson kthimin e shum\u00ebs tek individi ose biznesi.<\/p>\n\n\n\n

\n

K\u00ebshilla praktike: n\u00ebse pas pages\u00ebs konstatoni ndonj\u00eb anomali ose dyshim, veproni brenda jav\u00ebs \u2014 jo brenda muajit. Sa her\u00ebt reagoni, aq m\u00eb e thjesht\u00eb \u00ebsht\u00eb procedura.<\/p>\n<\/blockquote>\n\n\n\n

Pyetje t\u00eb shpeshta pas daljes s\u00eb udh\u00ebzimit<\/h2>\n\n\n\n

Pasi udh\u00ebzimi doli, kemi marr\u00eb pyetje konkrete nga klient\u00ebt dhe lexuesit. Ja p\u00ebrgjigjet drejtp\u00ebrs\u00ebdrejti nga teksti i udh\u00ebzimit.<\/p>\n\n\n\n

A mund t\u00eb rivler\u00ebsoj pron\u00ebn n\u00ebse e kam bler\u00eb pas vitit 2020 dhe vlera nuk ka ndryshuar shum\u00eb?<\/h3>\n\n\n\n

Po, mund t\u00eb rivler\u00ebsoni. Nuk ka kufizim mbi vitin e blerjes. Mir\u00ebpo n\u00ebse vlera e tregut sot \u00ebsht\u00eb e ngjashme me \u00e7mimin e blerjes, baza tatimore do t\u00eb jet\u00eb e vog\u00ebl dhe tatimi 5% nuk do jet\u00eb i lart\u00eb, por as kursimi i ardhsh\u00ebm nuk do jet\u00eb i konsideruesh\u00ebm. Rivler\u00ebsimi ka kuptim kur ka diferenc\u00eb t\u00eb r\u00ebnd\u00ebsishme midis vler\u00ebs ekzistuese dhe asaj t\u00eb tregut.<\/p>\n\n\n\n

A mund t\u00eb rivler\u00ebsoj pron\u00ebn n\u00ebse kam kryer rivler\u00ebsim edhe gjat\u00eb 2020\u20132022?<\/h3>\n\n\n\n

Po, patjet\u00ebr. Udh\u00ebzimi 5\/2026 (Kreu I, pika 1) e specifikon shprehimisht: “K\u00ebtu p\u00ebrfshihen dhe rastet, kur p\u00ebr pasurin\u00eb e paluajtshme \u00ebsht\u00eb b\u00ebr\u00eb edhe m\u00eb par\u00eb rivler\u00ebsimi, n\u00eb zbatim t\u00eb ligjeve t\u00eb m\u00ebparshme t\u00eb rivler\u00ebsimit.” Vlera e zbritshme n\u00eb k\u00ebt\u00eb rast do jet\u00eb vlera e rivler\u00ebsimit t\u00eb 2020\u20132022, n\u00ebse kjo ishte vlera e fundit mbi t\u00eb cil\u00ebn keni paguar tatim.<\/p>\n\n\n\n

A mund t\u00eb rivler\u00ebsoj vet\u00ebm nj\u00eb nga disa pronat e mia?<\/h3>\n\n\n\n

Po. Rivler\u00ebsimi \u00ebsht\u00eb individual dhe vullnetar p\u00ebr \u00e7do pron\u00eb. Nuk ka detyrim t\u00eb rivler\u00ebsoni t\u00eb gjitha pronave nj\u00ebkoh\u00ebsisht. Analizoni \u00e7do pron\u00eb ve\u00e7mas \u2014 llogaritni diferenc\u00ebn, tatimin 5%, koston e procesit dhe perspektiv\u00ebn e shitjes ose transferimit, pastaj vendosni p\u00ebr secil\u00ebn.<\/p>\n\n\n\n

N\u00ebse shes pron\u00ebn gjat\u00eb vitit 2026 pa e rivler\u00ebsuar, mund ta rivler\u00ebsoj para aktit t\u00eb shitjes?<\/h3>\n\n\n\n

Teorikisht po \u2014 rivler\u00ebsimi dhe shitja jan\u00eb akte t\u00eb ndara ligjore. Por rivler\u00ebsimi duhet t\u00eb jet\u00eb kryer dhe regjistruar (5 dit\u00eb pune pas pages\u00ebs) para n\u00ebnshkrimit t\u00eb aktit noterial t\u00eb shitjes. Noteri do t\u00eb shoh\u00eb kartel\u00ebn kadastrale dhe do llogaris\u00eb tatimin mbi vler\u00ebn e fundit t\u00eb regjistruar. N\u00ebse rivler\u00ebsimi nuk \u00ebsht\u00eb pasqyruar ende n\u00eb kartel\u00eb, noteri do t\u00eb zbatoj\u00eb vler\u00ebn e m\u00ebparshme. Prandaj koha e procesit ka r\u00ebnd\u00ebsi.<\/p>\n\n\n\n

N\u00ebse prona ka bashk\u00ebpronar\u00eb, \u00e7far\u00eb ndodh?<\/h3>\n\n\n\n

\u00c7do bashk\u00ebpronar mund t\u00eb rivler\u00ebsoj\u00eb pjes\u00ebn e tij ve\u00e7mas, pa pasur nevoj\u00ebn e dakordimit me t\u00eb tjer\u00ebt. ASHK-ja verifikon pron\u00ebsin\u00eb e \u00e7do aplikuesi dhe procedon me pjes\u00ebn e tij. Megjithat\u00eb, nga pik\u00ebpamja praktike, n\u00ebse bashk\u00ebpronar\u00eb t\u00eb tjer\u00eb nuk rivler\u00ebsojn\u00eb, ata do paguajn\u00eb 15% tatim mbi fitimin kapital t\u00eb pjes\u00ebs s\u00eb tyre kur ta shesin \u2014 nd\u00ebrsa ai q\u00eb ka rivler\u00ebsuar do paguaj\u00eb shum\u00eb m\u00eb pak.<\/p>\n\n\n\n

Biznesi yn\u00eb ka prona me vler\u00eb kontab\u00ebl zero (amortizuar plot\u00ebsisht). Ia vlen rivler\u00ebsimi?<\/h3>\n\n\n\n

Shum\u00eb shpesh po. Kur vlera kontab\u00ebl \u00ebsht\u00eb zero ose af\u00ebr zeros, baza tatimore e rivler\u00ebsimit (= vlera e ekspertit \u2212 0) \u00ebsht\u00eb e lart\u00eb, q\u00eb do t\u00eb thot\u00eb tatim 5% i lart\u00eb. Por kursimi i tatimit 15% t\u00eb shitjes, i llogaritur mbi t\u00eb nj\u00ebjt\u00ebn vler\u00eb absolute, do t\u00eb jet\u00eb 3 her\u00eb tatimi 5% i paguar. Prandaj matematika zakonisht del pozitive, sidomos n\u00ebse keni plan shitjeje.<\/p>\n\n\n\n

Ku mund t\u00eb gjej \u00e7mimin referues t\u00eb zon\u00ebs sime?<\/h3>\n\n\n\n

\u00c7mimet referuese p\u00ebr nd\u00ebrtesa bazohen mbi VKM nr. 132\/2018 “P\u00ebr miratimin e \u00e7mimeve t\u00eb referenc\u00ebs p\u00ebr kategorit\u00eb e pasurive t\u00eb paluajtshme” dhe rishikimeve t\u00eb tij. Harta e vlerave p\u00ebr tok\u00ebn bazohet mbi aktin n\u00ebnligjor n\u00eb fuqi. K\u00ebto t\u00eb dh\u00ebna administrohen nga ASHK-ja dhe aplikohen automatikisht gjat\u00eb llogaritjes. Mund t\u00eb k\u00ebrkoni informacion paraprak pran\u00eb sporteleve t\u00eb ASHK-s\u00eb ose n\u00ebp\u00ebrmjet ekspertit t\u00eb licencuar para se t\u00eb aplikoni.<\/p>\n\n\n\n

Konkluzion<\/h2>\n\n\n\n

Udh\u00ebzimi Nr. 5\/2026 nuk solli ndryshime t\u00eb ligjit \u2014 ligji \u00ebsht\u00eb ai i dhjetorit 2025. \u00c7far\u00eb solli ishte mund\u00ebsia reale e zbatimit. Tani procedura ekziston, formularet ekzistojn\u00eb, tarifat jan\u00eb t\u00eb njohura dhe ASHK-ja ka detyrimet e qarta kohore. Faza e pritjes dhe pasiguris\u00eb mbaroi.<\/p>\n\n\n\n

Afati 31 dhjetor 2026 duket i larg\u00ebt, por n\u00ebse merrni parasysh koh\u00ebn e procesit (2 dit\u00eb pune p\u00ebr fatur\u00eb + 5 dit\u00eb pune p\u00ebr regjistrim) dhe mund\u00ebsin\u00eb e fluks-it t\u00eb lart\u00eb t\u00eb aplikimeve n\u00eb muajt e fundit, rekomandojm\u00eb t\u00eb aplikoni gjat\u00eb periudh\u00ebs mars\u2013tetor 2026. Rreziku i mbajtjes s\u00eb aplikimit p\u00ebr dhjetor \u00ebsht\u00eb real dhe tatimi i paguar pas 31 dhjetorit 2026 nuk do t\u00eb njihet sipas ligjit aktual.<\/p>\n\n\n\n

Rivler\u00ebsimi nuk \u00ebsht\u00eb nj\u00eb procedur\u00eb burokratike thjesht \u2014 \u00ebsht\u00eb vendim financiar. Para se t\u00eb vendosni, llogaritni diferenc\u00ebn, tatimin 5%, koston e ekspertit n\u00ebse e nevojshme, dhe perspektiv\u00ebn reale t\u00eb pron\u00ebs suaj. Vet\u00ebm me llogaritje konkrete mund t\u00eb vendosni me siguri.<\/p>\n\n\n

Ke paqart\u00ebsi p\u00ebr rivler\u00ebsimin e pasuris\u00eb (Ligji 85\/2025)?<\/h3>
<\/p>\n