Një ftesë për ata që duan të ndërtojnë, jo thjesht të punojnë
Në AlProfit Consult ne besojmë se kontabiliteti nuk është një profesion teknik i ftohtë, por një profesion me ndikim real në jetën e njerëzve dhe në vendimet që marrin bizneset çdo ditë. Ne nuk ekzistojmë vetëm për të përgatitur pasqyra financiare apo për të përmbushur detyrime ligjore. Ne ekzistojmë për të ndihmuar bizneset të kursejnë kohë dhe para, duke u dhënë qartësi, strukturë dhe besim.
Puna jonë ka kuptim sepse ndikon direkt në jetën e përditshme të klientëve tanë. Dhe pikërisht për këtë arsye, njerëzit që punojnë me ne kanë rëndësi më shumë se çdo proces apo program.
Rreth rolit
Pozicioni i Accountant në AlProfit nuk është një rol i izoluar dhe as një punë rutinë e mbyllur pas një tavoline. Është një rol aktiv, në zemër të shërbimit ndaj klientit dhe në bashkëpunim të vazhdueshëm me ekipin.
Si pjesë e ekipit tonë, ju do të përfshiheni në menaxhimin e përditshëm të çështjeve kontabël dhe tatimore, në përgatitjen e pasqyrave financiare dhe raporteve periodike, si dhe në komunikimin e vazhdueshëm me klientët. Por mbi të gjitha, do të mësoni të kuptoni biznesin përtej dokumenteve dhe shifrave dhe të shihni se si puna juaj ndikon drejtpërdrejt në vendimmarrjen e tyre.
Ky rol është i hapur si për kandidatë me eksperiencë, ashtu edhe për kandidatë pa eksperiencë pune. Ne nuk e shohim mungesën e eksperiencës si pengesë, për sa kohë ekzistojnë cilësitë e duhura njerëzore dhe profesionale. Aftësitë teknike mund të mësohen dhe të përmirësohen. Qëndrimi, përgjegjësia dhe mënyra e të menduarit janë shumë më të vështira për t’u mësuar.
Përgjegjësitë kryesore të rolit
- Menaxhimi i përditshëm i çështjeve kontabël dhe tatimore të klientëve.
- Regjistrimi i transaksioneve të shitjeve dhe blerjeve, lëshimi i faturave dhe ndjekja e pagesave.
- Përgatitja e pasqyrave financiare dhe raporteve periodike.
- Kryerja e deklarimeve tatimore sipas afateve ligjore.
- Komunikimi i vazhdueshëm me klientët dhe ndjekja e kërkesave të tyre.
- Organizimi dhe zhvillimi i takimeve periodike me klientët (zakonisht çdo tre ose gjashtë muaj).
- Zbatimi i axhendës së punës dhe ndjekja e çështjeve në vazhdim.
- Dokumentimi korrekt i punës së kryer dhe respektimi i procedurave të brendshme.
Kë kërkojmë ?
Ne nuk kërkojmë njerëz që dinë gjithçka. Kërkojmë njerëz që duan të bëhen më të mirë.
Pranohen kandidatë që kanë përfunduar studime në Financë dhe Kontabilitet, por edhe në fusha të tjera të lidhura ngushtë me biznesin dhe menaxhimin. Për ne ka rëndësi mënyra si mendoni, si komunikoni dhe si i qaseni punës, jo vetëm titulli i diplomës.
Ajo që ne vlerësojmë realisht është aftësia për të punuar në grup, dëshira për të mësuar vazhdimisht, përgjegjësia për punën e marrë përsipër dhe thjeshtësia në komunikim. Ne besojmë se puna e mirë bëhet kur njerëzit ndihmojnë njëri-tjetrin, planifikojnë përpara dhe nuk fshihen pas justifikimeve.
Njohja e gjuhës angleze dhe/ose italiane përbën një avantazh shumë të madh, jo vetëm për komunikimin me klientë, por edhe për zhvillimin profesional afatgjatë brenda kompanisë.
Si është të punosh në AlProfit
Në AlProfit puna bëhet në ekip dhe me plan. Ne nuk besojmë në improvizim të vazhdueshëm dhe as në zgjidhje momentale që krijojnë probleme më vonë. Preferojmë më pak punë, por të menduara dhe të kryera siç duhet.
Do të gjeni një ambient ku komunikimi është i hapur, ku pyetjet nuk paragjykohen dhe ku gabimet trajtohen si mundësi për të mësuar, jo si arsye për të fajësuar. Secili ka përgjegjësitë e veta, por askush nuk lihet vetëm përballë tyre.
Objektivi ynë është të ndërtojmë një ekip të qëndrueshëm, ku njerëzit rriten profesionalisht dhe personalisht, dhe ku puna e përditshme ka kuptim dhe drejtim.
Pse kjo ftesë
Ne po kërkojmë më të mirët, jo në kuptimin e njerëzve perfektë, por në kuptimin e njerëzve të duhur, në vendin e duhur. Njerëz që duan të kontribuojnë, të mësojnë dhe të ndërtojnë diçka afatgjatë.
Nëse po kërkoni thjesht një vend pune, ndoshta ka shumë alternativa të tjera. Nëse po kërkoni një ambient ku mund të rriteni, të sfidoheni dhe të bëheni pjesë e një ideje më të madhe, atëherë kjo ftesë është për ju.
Procesi i aplikimit
Aplikimet dërgohen në adresën: [email protected]
Afati i fundit për aplikim është 23 Janar 2026.
Procesi përfshin një intervistë të parë me një test të shkurtër teorik dhe praktik, si dhe një intervistë finale me kandidatët më të përshtatshëm. Qëllimi ynë nuk është vetëm të vlerësojmë kandidatin, por të kuptojmë nëse ekziston përputhje reale nga të dyja palët.
Shkarko