Individë #2

Individ, konsiderohet çdo person fizik jo tregtar.

Individ tatimpagues, është personi i cili detyrohet të paguajë tatime, taksa ose kontributet e sigurimeve shoqërore dhe shëndetësore, si dhe agjenti i mbajtjes së tatimit në burim.

Tatimi i pagueshëm nga individi, përcaktohet në varësi të: (a) rezidencës tatimore të individit, dhe (b) burimi i të ardhurave; nëse është brenda territorit Shqiptar.

Tatimi përcaktohet si më poshtë:

Tatimi i individëve rezident	Tatimi i individëve jorezidentë
Brenda dhe jashtë territorit Shqiptar (Parimi i rezidencës)	(Me burim brenda territorit Shqiptar (Parimi i burimit)

Individ tatimpagues rezident

Individ tatimpagues rezident është personi i cili:

• ka një vendbanim në Republikën e Shqipërisë, në kuptim të nenit 12 të Kodit Civil;
• ka nënshtetësi shqiptare dhe është funksionar diplomatik ose kryen një funksion të ngjashëm, në emër të Republikës së Shqipërisë, jashtë territorit të saj;
• në mënyrë të vazhdueshme ose me ndërprerje, qëndron në Republikën e Shqipërisë më tepër se 183 ditë në një periudhë prej 365 ditësh.

Regjistrimi dhe identifikimi i individit rezident, bëhet me një kod fiskal dhe si i tillë, shërben Numri i Identifikimit personal në Letërnjoftimin e individit.

Individ, tatimpagues jo rezident

Individi konsiderohet jorezident, kur nuk plotëson një nga përcaktimet e individit rezident shqiptar, përkufizuar më lart.

Regjistrimi dhe identifikimi i individit jorezident, bëhet me një kod fiskal dhe si i tillë, shërben Numri i Identifikimit personal në Letërnjoftimin e individit jorezident.

Source: General Directorate of Taxes.