- Certifikata elektronike lëshohet nga AKSHI pas aplikimit në e-Albania dhe i duhet çdo tatimpaguesi që lëshon fatura.
- Pa certifikatë nuk nënshkruhet dot fatura, prandaj ajo merret përpara transaksionit të parë.
- Certifikata ka afat vlefshmërie dhe rinovohet përpara skadimit, jo pasi faturimi ndalet.
- Baza ligjore është ligji nr. 87/2019 për faturën dhe sistemin e monitorimit të qarkullimit, i ndryshuar.
Certifikata elektronike është çelësi me të cilin nënshkruhet çdo faturë. Pa të, sistemi i faturimit nuk komunikon dot me administratën tatimore dhe shitja nuk dokumentohet dot rregullisht. Pamjen e plotë të procesit e mban faqja jonë e fiskalizimit dhe faturimit.
Gabimi që kushton më shumë
Rinovimi lihet për ditën e fundit. Kur certifikata skadon, faturimi ndalet, dhe bashkë me të ndalet shitja. Rinovimi nis rreth 30 ditë përpara mbarimit të afatit, pikërisht që të ketë kohë për çdo problem teknik. Kujtesën tonë për këtë e mban artikulli rinovoni certifikatën elektronike 30 ditë përpara.
Çfarë vjen pas certifikatës. Fatura lëshohet elektronikisht dhe hyn te librat e shitjes, të cilët dorëzohen deri më datën 11 të muajit pasues, ndërsa deklarata e TVSH-së deri më datën 14. Rregullat janë te faqja jonë e deklarimit dhe librave.
Certifikata elektronike është një dokument elektronik që lëshohet nga AKSHI, pas aplikimit në portalin e-Albania, për çdo tatimpagues që lëshon fatura, me qëllim të zbatimit të procedurës së Fiskalizimit të faturës.
Lexo edhe: Fatura elektronike dhe certifikata e fiskalizimit.
Në këtë video ju paraqesim hap pas hapi të gjitha veprimet që duhet të ndërmerrni për të kryer me sukses aplikimin.
Përdor: https://e-albania.al/eAlbaniaServices…
Aplikim për certifikatë elektronike për projektin e fiskalizimit
Shërbimi elektronik “Aplikim për certifikatë elektronike për projektin e fiskalizimit” mundëson pajisjen me Certifikatë Elektronike për subjektet tatimpaguese në kuadër të projektit të fiskalizimit. Kjo certifikatë digjitale është e lidhur në mënyrë unike me biznesin si entitet.
Në zbatim të Vendimit të Këshillit të Ministrave Nr.673, datë 22.11.2017, “Për Riorganizimin e Agjencisë Kombëtare të Shoqërisë së Informacionit”, si dhe nenit 19, ligjit nr.9980, “Për Nënshkrimin Elektronik” i ndryshuar, si dhe në mbështetje të ligjit nr.107/2015, “Për Identifikimin Elektronik dhe Shërbimet e Besuara” i ndryshuar, AKSHI zhvillon, administron, mirëmban Infrastrukturën e Çelësit Publik (PKI) dhe menaxhon Certifikatat Elektronike X.509 v3.
Dokumentacioni i nevojshëm
Për këtë shërbim nuk nevojitet dokumentacion shoqërues.
Hapat e procedurës
- Identifikohuni si biznes në portalin e-Albania;
- Zgjidhni shërbimin “Aplikim për certifikatë elektronike për projektin e fiskalizimit”;
- Klikoni butonin “Përdor”;
- Plotësoni të dhënat e kërkuara në formularin përkatës elektronik;
- Klikoni butonin “Dërgo” në fund të formularit;
- Kërkesa do të dërgohet në Drejtorinë e Sigurisë e-Gov, sektori i fushës së PKI-së dhe do të procedohet nga specialistët e fushës së Infrastrukturës dhe Çelësave Publikë;
- Certifikata Elektronike do t’ju dërgohet në adresën e emailit që keni plotësuar gjatë regjistrimit të biznesit në portalin e-Albania.
*Lutemi të siguroheni që adresa e-mail e regjistruar në portal të jetë e aksesueshme në mënyrë të sigurtë nga ana juaj.
Koha e nevojshme e marrjes së shërbimit
10 ditë pune
Periudha e vlefshmërisë
1 vit nga koha e gjenerimit të certifikatës
Kostot
4,000 lekë
(Shkarkoni faturën)
Më shumë
Për çdo pyetje apo paqartësi mbi përdorimin e shërbimit mund të kontaktoni në adresën [email protected]
Burimi: e-Albania
Çdo herë që ka një ndryshim tatimor ose financiar që prek biznesin tuaj, ju njoftojmë direkt në email me shpjegim praktik.
Dërgomë njoftimet falas