Pikat kryesore
- Nga shtatori 2022 paga minimale ishte 34,000 lekë, sipas VKM nr. 604, datë 14.9.2022.
- Kjo shifër nuk vlen më dhe është zëvendësuar dy herë që nga ajo kohë.
- Paga minimale sot është 50,000 lekë dhe tavani i kontributeve 186,416 lekë.
- Njoftimi ruhet si referencë për listëpagesat e periudhave të vitit 2022.
Verifikuar më 11 tetor 2026. Shifrat në fuqi u rikontrolluan te VKM nr. 776, datë 19.12.2025 dhe te njoftimi i DPT. Sigurimet shoqërore, faqja e burimit
Dokument historik. Ky njoftim i vitit 2022 jep pagën minimale 34,000 lekë. Nga 1 janari 2026 paga minimale në shkallë vendi është 50,000 lekë dhe paga maksimale për efekt kontributesh është 186,416 lekë, sipas VKM nr. 776, datë 19.12.2025. Shifrat në fuqi sot
| Parametri | Vlera në fuqi |
|---|---|
| Paga minimale në shkallë vendi | 50,000 lekë në muaj, nga 1 janari 2026 |
| Paga maksimale për kontributet shoqërore | 186,416 lekë në muaj |
| Kontributet gjithsej, kontratë normale | 27.9%, pra 16.7% punëdhënësi dhe 11.2% punëmarrësi |
| Akti në fuqi | VKM nr. 776, datë 19.12.2025 |
Njoftimi i plotë i shtatorit 2022
Duke filluar nga periudha Shtator 2022, paga bazë minimale mujore, në
shkallë vendi për punonjësit, e detyrueshme për t’u zbatuar nga çdo person juridik apo fizik, vendas apo i huaj, është 34,000 lekë (VKM nr. 604, datë 14.09.2022).
Për efekt të llogaritjes së kontributeve të sigurimeve shoqërore, paga bruto mujore, do të jetë:
- Jo më pak se sa paga minimale mujore, e barabartë me 34,000 (tridhjetë e katër mijë) lekë dhe deri në 149,954 (njëqind e dyzetë e nëntë mijë e nëntëqind e pesëdhjetë e katër) lekë, për personat e punësuar;
- Jo më pak se paga minimale, e barabartë me 34,000 (tridhjetë e katër mijë)lekë dhe sipas përcaktimit të vetë personit, deri në 149,954 (njëqind e dyzetë e nëntë mijë e nëntëqind e pesëdhjetë e katër) lekë, për personat e vetëpunësuar;
- E barabartë me pagën minimale mujore prej 34,000 (tridhjetë e katër mijë) lekë, për punonjësit e papaguar të familjes me të cilët i vetëpunësuari punon e bashkëjeton ligjërisht.
Gjithashtu, për efekt të llogaritjes së kontributeve të detyrueshme të sigurimit shëndetësor, paga mujore do të jetë:
- Jo më pak se sa paga minimale mujore në shkallë vendi, prej 34,000 (tridhjetë e katër mijë) lekë dhe deri në shumën e pagës bruto, sipas deklaratës së listëpagesës, për personat e punësuar;
- Sa dyfishi i pagës minimale në shkallë vendi, prej 68,000 (gjashtëdhjetë e tetë mijë) lekë, për personat e vetëpunësuar dhe punonjësit e papaguar të familjes me të cilët i vetëpunësuari punon e bashkëjeton.
Shkarko këtu dhe më poshtë njoftimin.
Burimi: Drejtoria e Përgjithshme e Tatimeve.
Çdo herë që ka një ndryshim tatimor ose financiar që prek biznesin tuaj, ju njoftojmë direkt në email me shpjegim praktik.
Dërgomë njoftimet falas