- Vendimi nr. 158, datë 12.3.2022, caktoi pagën minimale 32,000 lekë në muaj.
- Vendimi është zëvendësuar nga VKM nr. 604/2022, nga VKM nr. 113/2023 dhe nga VKM nr. 776/2025.
- Paga minimale në fuqi sot është 50,000 lekë në muaj.
- Teksti ruhet si dokument historik.
| Parametri | Vlera në fuqi |
|---|---|
| Paga minimale në shkallë vendi | 50,000 lekë në muaj, nga 1 janari 2026 |
| Paga maksimale për kontributet shoqërore | 186,416 lekë në muaj |
| Kontributet gjithsej, kontratë normale | 27.9%, pra 16.7% punëdhënësi dhe 11.2% punëmarrësi |
| Akti në fuqi | VKM nr. 776, datë 19.12.2025 |
Teksti i vendimit nr. 158/2022
VENDIM
Nr. 158, datë 12.3.2022
PËR PËRCAKTIMIN E PAGËS MINIMALE NË SHKALLË VENDI
Në mbështetje të nenit 100 të Kushtetutës, të nenit 111, të ligjit nr.7961, datë 12.7.1996, “Kodi i Punës i Republikës së Shqipërisë”, të ndryshuar, dhe të nenit 4, të ligjit nr.10405, datë 24.3.2011, “Për kompetencat në caktimin e pagave dhe shpërblimeve”, me propozimin e ministrit të Financave dhe Ekonomisë, Këshilli i Ministrave
VENDOSI:
1. Paga bazë minimale mujore për punonjësit në shkallë vendi, që është e detyrueshme të zbatohet nga çdo person, juridik a fizik, vendas ose i huaj, të jetë 32,000 (tridhjetë e dy mijë) lekë.
2. Paga bazë minimale mujore jepet për 174 (njëqind e shtatëdhjetë e katër) orë pune në muaj, të kryera gjatë kohës normale të punës.
3. Paga bazë minimale orare të jetë 183,9 (njëqind e tetëdhjetë e tre presje nëntë) lekë.
4. Shtesat me karakter të përhershëm jepen mbi pagën bazë.
5. Vendimi nr.1025, datë 16.12.2020, i Këshillit të Ministrave, “Për përcaktimin e pagës minimale në shkallë vendi”, shfuqizohet.
Ky vendim hyn në fuqi pas botimit në Fletoren Zyrtare dhe shtrin efektet financiare nga data 1 prill 2022.
Shkarko këtu VKM Nr. 158 datë 12.03.2022.
Burimi: Qendra e Botimeve Zyrtare.
Çdo herë që ka një ndryshim tatimor ose financiar që prek biznesin tuaj, ju njoftojmë direkt në email me shpjegim praktik.
Dërgomë njoftimet falas