Shërbimi elektronik “Aplikim për certifikatë rezidence për individët” ju mundëson qytetarëve pajisjen me certifikatën e rezidencës me vulë elektronike, dokumentin vërtetues të pagesës së detyrimeve tatimeve për të ardhurat globale në Shqipëri me qëllim shmangien e taksimit të dyfishtë dhe parandalimin e evazionit fiskal në çdo shtet me të cilët Shqipëria ka një marrëveshje/konventë tatimore.
Dokumentacioni i nevojshëm
Për këtë shërbim nuk kërkohet dokumentacion shoqërues.
Hapat e procedurës
– Identifikohuni si qytetar në portalin e-Albania; – Zgjidhni shërbimin “Aplikim për certifikatë rezidence për individët”; – Klikoni butonin “Përdor”; – Zgjidhni shtetin ku do të depozitohet certifikata e rezidencës; – Zgjidhni vitin fiskal për të cilën kërkohet certifikata e rezidencës; – Klikoni butonin “Dërgo” në faqen e fundit të formularit; – Pas përpunimit të kërkesës për certifikatën e rezidencës nga Drejtoria e Tatimeve, ju do të njoftoheni me e-mail për miratimin apo refuzimin e kërkesës; Vërtetimin e përfunduar me vulë elektronike mund ta gjeni në çdo kohë në seksionin “Dokumentet e mia” te hapësira juaj në portalin e-Albania.
Koha e nevojshme e marrjes së shërbimit
1 ditë
Periudha e vlefshmërisë
Pa afat
Kostot
Pa pagesë
Më shumë
Për çdo pyetje apo paqartësi mbi përdorimin e shërbimit mund të kontaktoni në adresën [email protected]
Burimi: e-Albania.
Shërbimi në e-Albania: Aplikim për certifikatë rezidence për individët