Fitimi dhe paraja janë dy gjëra të ndryshme dhe të dyja janë të sakta. Fitimi lind në momentin që shisni dhe lëshoni faturën. Paraja lind në momentin që klienti paguan. Mes këtyre dy momenteve mund të kalojnë javë ose muaj, dhe pikërisht aty fshihet përgjigjja e pyetjes suaj. Paratë tuaja shpesh janë, por janë te faturat e papaguara, te malli në magazinë ose te kësti i kredisë, jo në llogari.
Kontabiliteti e mat biznesin tuaj me dy orë njëkohësisht.
Ora e parë është ora e fitimit. Ajo lëviz kur ndodh puna. Shitët, ora shënon të ardhur. U konsumua malli, ora shënon shpenzim. Kjo orë nuk pyet fare nëse paraja ka lëvizur.
Ora e dytë është ora e parasë. Ajo lëviz vetëm kur paraja hyn ose del nga llogaria dhe arka. Kjo orë nuk pyet fare kur është bërë puna.
Të dyja orët tregojnë të vërtetën, por të vërteta të ndryshme. Karen Berman dhe Joe Knight e thonë pastër te Financial Intelligence, fitimi është një mendim i ndërtuar mbi rregulla, paraja është një fakt që numërohet. Problemet lindin kur pronari lexon njërën orë dhe beson se po lexon tjetrën.
Ky është shembulli që sqaron gjithçka, ndaj lexojeni ngadalë.
Në 5 të muajit shisni mall me vlerë 100,000 LEK. Malli ju ka kushtuar 80,000 LEK, të cilat ia keni paguar furnitorit muajin e kaluar. Klienti është korrekt, por paguan me afat 60 ditë.
Çfarë thotë ora e fitimit në fund të muajit. Të ardhura 100,000 LEK. Kosto e mallit të shitur 80,000 LEK. Fitim 20,000 LEK. E vërtetë dhe e dokumentuar me faturë.
Çfarë thotë ora e parasë në po atë datë. Hyrje nga kjo shitje zero LEK. Klienti ende nuk ka paguar. Madje llogaria juaj është 80,000 LEK më e lehtë se një muaj më parë, kur paguat furnitorin.
Pra keni njëkohësisht fitim 20,000 LEK dhe para minus 80,000 LEK nga i njëjti veprim. Fitimi juaj ekziston, por sot ai jeton brenda faturës së klientit. Do të bëhet para pas 60 ditësh, nëse klienti paguan. Kjo është arsyeja pse një biznes fitimprurës mund të mbetet pa para për pagat, dhe pse afati i arkëtimit është po aq i rëndësishëm sa çmimi.
Mjeti më i thjeshtë kundër këtij kurthi është një listë e gjallë e faturave të paarkëtuara, me datën e faturës, afatin dhe ditët e vonesës. Te Qendra e Burimeve gjeni një model të gatshëm që i rendit vetë sipas vonesës. E gjeni te Resource Center.
Baza e këtij dallimi është parimi akrual. Efektet e transaksioneve njihen kur ndodhin dhe raportohen në periudhën të cilës i përkasin, jo kur arkëtohet ose paguhet paraja. Ky parim mbështet kontabilitetin sipas Ligjit nr. 25/2018 dhe standardeve në zbatim të tij.
Momenti i njohjes së të ardhurës nga shitja e mallrave përcaktohet në SKK përkatës për të ardhurat dhe lidhet me kalimin te blerësi i rreziqeve dhe përfitimeve të pronësisë, me mundësinë e matjes së besueshme të shumës dhe me gjasën e arkëtimit. Në praktikën shqiptare, me faturimin elektronik, momenti i faturimit dhe momenti i njohjes zakonisht përputhen për shitjet e zakonshme të mallit, por jo detyrimisht për parapagimet dhe kontratat me afat. Pikërisht te parapagimet, të ardhura të shtyra dhe jo të ardhura të çastit, ekonomisti i shton vlerë pronarit që gëzohet para kohe.
Për raportimin drejtues, urë e dobishme është pajtimi mujor fitim me lëvizje banke. Rezultati, plus amortizimin, minus rritjen e të arkëtueshmeve dhe të inventarit, plus rritjen e të pagueshmeve. Tri rreshta që i shpjegojnë pronarit me shifrat e tij pse fitimi dhe banka nuk përputhen.
Fitimi i asaj shitjeje po, me kohë. Fatura e paarkëtueshme njihet si humbje sipas rregullave përkatëse dhe rezultati korrigjohet. Prandaj ndjekja e arkëtimeve nuk është punë sekretarie, është mbrojtje e fitimit.
Për vendimet tuaja të përditshme mund të mbani çfarë t’ju ndihmojë. Por pasqyrat zyrtare përgatiten mbi bazën akruale sipas ligjit dhe standardeve. Zgjidhja praktike është t’i lexoni të dyja orët bashkë, çdo muaj.
Nëse kjo temë ju preku, sepse fitimi në letër dhe llogaria juaj nuk flasin të njëjtën gjuhë, na shkruani te Contact page. Ta shohim bashkë me shifrat tuaja reale.
We take care of accounting and taxes, so you can save time, money, and focus on growing your business.
Request a Quote
