- Deklarimi i vendndodhjes së aktivitetit në e-Filing bëhet nga çdo NIPT, për adresën kryesore dhe për çdo adresë sekondare.
- Ngarkohet dokumenti i pronësisë ose kontrata e qirasë për ambientin ku ushtrohet aktiviteti.
- Të dhënat shërbejnë për llogaritjen e tatimit në burim dhe për parambushjen e deklaratës individuale.
- Mosdeklarimi i adresës trajtohet si kundërvajtje administrative sipas ligjit nr. 9920/2008.
Afati 20 tetor i përmendur më poshtë i përket njoftimit të Drejtorisë së Përgjithshme të Tatimeve të vitit 2024. Detyrimi vetë nuk është njëherësh. Të dhënat e vendndodhjes mbahen të përditësuara në çdo kohë, prandaj kur ndërroni ambient ose hapni një njësi të re, përditësimi bëhet menjëherë, pa pritur një njoftim të ri.
“Mosdeklarimi i adresës së ambjentit ku ushtroni aktivitet konsiderohet kundërvajtje administrative me ligj”
Administrata Tatimore fton të gjithë tatimpaguesit, që brenda datës 20 Tetor, të deklarojnë ne e-Filing informacionin mbi statusin e pronësinë ose jo, të vendit/vendeve të ushtrimit të aktivitetit të tyre ekonomik, si dhe të dorëzojnë dokumentacionin përkatës që e vërteton ata (dokumentin e pronësisë, kontrate qeraje etj.).
Ky informacion shërben për përllogaritjen e saktë të Tatimit në Burim si dhe krijimin e mundësisë për parambushjen e Deklaratës së të ardhurave personale, për individët subjekt deklarimi.
Depozitimi apo përditësimi i këtyre të dhënave, nga llogaria personale ne e-filing, duhet të plotësohet nga çdo tatimpagues, pra nga çdo NIPT, si për adresen kryesore ashtu edhe për ato sekondare, duke ndjekur 5 hapat, si më poshtë vijon:
- Klikoni në seksionin e-Filing Im
- Klikoni Profili Im në listën e shfaqur
- Në seksionin në të majtë, “Detajet e Tatimpaguesit”, klikoni tek Adresa
- Në seksionin Adresa Kryesore që do të shfaqet klikoni në logon e shtëpizës
- Në tabelën që shfaqet do të plotësoni të dhënat që kërkohen te “Detajet e objektit ku ushtrohet aktiviteti” dhe ngarkoni vërtetimin e pronësisë ose kontratën e qirasë
Informacionin e detajuar për mënyrën dhe hapat që duhet të ndiqni e gjeni në dokumentin “Manual i Plotësimit të Detajeve” (ilustruar si bashkëlidhur).
Kujdes!
Ky informacion duhet plotësuar për çdo njesi biznesi, qoftë NIPT kryesor apo sekondar.
Baza ligjore dhe pasojat e mosdeklarimit
Depozitimi i të dhënave të mësipërme bazohet në kërkesat e Ligjit nr. 9920, datë 19.05.2008 “Për Procedurat Tatimore në RSH” i ndryshuar, neni 23, pika 1, si dhe të Ligjit nr. 87/2019 “Për Faturën dhe Sistemin e Monitorimit të Qarkullimit”, i ndryshuar.
Mosdhënia e këtij informacioni trajtohet si kundërvajtje administrative. Mosdeklarimi në afat i detyrimeve tatimore kushton 10,000 lekë për tatimpaguesit e TVSH-së dhe të tatimit mbi fitimin, dhe 5,000 lekë për të tjerët, sipas nenit 113 të ligjit nr. 9920/2008. Masa konkrete për këtë rast verifikohet te drejtoria rajonale, sepse varet nga kualifikimi i kundërvajtjes.
Shkarko më poshtë udhëzuesin e plotë për tatimpaguesit
Nëse nuk jeni i sigurt nëse adresat tuaja janë të plotësuara, kontrolli zgjat pak minuta te profili juaj në e-Filing. Ne e bëjmë këtë kontroll për klientët tanë sa herë ndryshon ambienti ose hapet një njësi e re. Na shkruani nëse doni ta kalojmë ne.
