Çdo sh.p.k. ka detyrimin ligjor të regjistrojë në QKB çdo ndryshim të të dhënave të njoftuara gjatë regjistrimit fillestar, sipas nenit 43 të Ligjit Nr. 9723/2007. Procesi i ndryshim shpk QKB është i domosdoshëm për të garantuar saktësinë e të dhënave. Mosregjistrimi sjell gjobë administrative.
Ndryshimet aplikohen online nëpërmjet e-Albania, pa pagesë dhe brenda 1 dite pune.
Lexo edhe: Si u regjistrua sh.p.k.-ja fillimisht
Ligji detyron regjistrimin e menjëhershëm të ndryshimeve të mëposhtme:
✔ Ndryshimi i administratorit (emërim i ri, shkarkim, ndryshim afati)
✔ Ndryshimi i kapitalit të regjistruar (zmadhim ose zvogëlim)
✔ Transferimi i kuotave ndërmjet ortakëve ose tek të tretë
✔ Ndryshimi i selisë (adresës kryesore ose adresave shtesë)
✔ Ndryshimi i objektit të aktivitetit
✔ Ndryshimi i emrit të shoqërisë
✔ Ndryshimi i kohëzgjatjes
✔ Depozitimi i pasqyrave financiare vjetore dhe raportit të auditimit (kur është i detyrueshëm)
✔ Emërimi ose shkarkimi i ekspertit kontabël të autorizuar
✔ Emërimi i likuiduesve dhe aktet e prishjes
✔ Aktet e transformimit, bashkimit ose ndarjes
✔ Vendosja e pengjeve ose garancive mbi kuotat e kapitalit
Ndryshimi nuk prodhon efekte ndaj të tretëve pa u regjistruar. Kjo vlen veçanërisht për ndryshimin e administratorit, deri në regjistrimin e tij në QKB, administratori i vjetër vazhdon të jetë i vlefshëm ligjërisht.
Nëse ndryshon edhe statuti ose akti i themelimit, depozitohet teksti i plotë i dokumentit me ndryshimet e mëpasshme.
Mund të regjistrohen vullnetarisht:
✔ Emërtimi tregtar ose shenjat dalluese të aktivitetit
✔ Website, email, telefon dhe faks
✔ Vendimet e organeve drejtuese (pezullim aktiviteti e të tjera)
✔ Çdo të dhënë tjetër me lidhje me aktivitetin ekonomik
Ndryshimet aplikohen duke u loguar si biznes në e-Albania. Ky është ndryshimi kryesor nga regjistrimi fillestar, i cili bëhet si individ (qytetar).
Shërbimi i e-Albania: Aplikim për ndryshime në të dhënat e regjistrimit për sh.p.k.
Kosto: Pa pagesë. Afati: 1 ditë pune. Pushimet zyrtare nuk llogariten.
Kujdes: Nënshkrimi elektronik është i detyrueshëm.
✔ Akti i përfaqësimit ose prokura, nëse aplikanti nuk është administratori
✔ Vendimi i organit kompetent (zakonisht asambleja) që vërteton ndryshimin
✔ Çdo akt tjetër i nevojshëm sipas llojit të ndryshimit
Dokumentet e siguruara nga administrata nuk keni nevojë t’i sillni vetë.
Ndryshimi i administratorit: vendimi i asamblesë për emërim ose shkarkim dhe dokumenti i identifikimit të administratorit të ri.
Transferimi i kuotave: kontrata e shitblerjes e nënshkruar nga palët.
Ndryshimi i kapitalit: vendimi i asamblesë dhe, nëse kapitali është paguar, mandati bankar.
Ndryshimi i selisë: vendimi i administratorit ose asamblesë.
Ndryshimi i objektit: vendimi i asamblesë dhe statuti i ndryshuar me tekstin e plotë.
Nëse sh.p.k.-ja ndalon aktivitetin, duhet të njoftojë QKB-në. Pas regjistrimit, statusi i shoqërisë shënon “Pezulluar.”
Kujdes: Shoqëria që nuk ka ushtruar aktivitet për 2 vjet dhe nuk ka njoftuar pezullimin mund të çregjistrohet kryesisht nga QKB.
Shërbimi i e-Albania: Aplikim për njoftim për pushimin e përkohshëm të aktivitetit
✔ Dokument identifikimi i administratorit ose përfaqësuesit ligjor
✔ Akti i përfaqësimit, nëse aplikanti është i ndryshëm nga administratori
✔ Vendimi i shoqërisë ose kërkesa e administratorit (vetëm për person juridik — për person fizik nuk kërkohet dokumentacion shtesë)
Kosto: Pa pagesë. Afati: 1 ditë pune.
Si biznes. Ky është ndryshimi kryesor nga regjistrimi fillestar.
Vendimi i asamblesë për emërim ose shkarkim dhe dokumenti i identifikimit të administratorit të ri. Ndryshimi prodhon efekte vetëm pas regjistrimit në QKB.
Ligji nuk përcakton afat specifik, por ndryshimi nuk prodhon efekte ndaj të tretëve para regjistrimit. Rekomandohet menjëherë pas vendimit të asamblesë.
Po. Të gjitha aplikimet në e-Albania kërkojnë nënshkrim elektronik të vlefshëm.
Po, me vendim të asamblesë. Emri i ri verifikohet për disponueshmëri gjatë aplikimit.
Po. Pa njoftim, pas 2 viteve QKB mund të kryejë çregjistrimin kryesisht.
Lexo edhe: Çregjistrimi i sh.p.k.-së
Lexo edhe: Çfarë është sh.p.k.: kuptimi ligjor
Ligji Nr. 9723, datë 03.05.2007 “Për Regjistrimin e Biznesit”, i ndryshuar (neni 43)
Ligji Nr. 9901, datë 14.04.2008 “Për Tregtarët dhe Shoqëritë Tregtare”, i ndryshuar
Ligji Nr. 9920, datë 19.05.2008 “Procedurat Tatimore”, i ndryshuar
Ligji Nr. 9880, datë 25.02.2008 “Për nënshkrimin elektronik”
Ligji Nr. 10273, datë 29.04.2010 “Për dokumentin elektronik”