- Nga janari 2024, VKM nr. 753/2023 hoqi profesionet e lira (IT, juristë, ekonomistë, arkitektë, mjekë etj.) nga norma 0% dhe i vendosi të paguanin 15% tatim mbi fitimin.
- Gjykata Kushtetuese, me vendimin nr. 52, datë 27.6.2024, shfuqizoi pikërisht këto dispozita, duke e konsideruar përjashtimin vetëm të profesioneve të lira si shkelje të parimit të proporcionalitetit.
- Këstet e paguara për 2024-n u kthyen ose u fshinë, dhe sot edhe profesionet e lira me të ardhura bruto deri në 14,000,000 lekë në vit paguajnë 0% deri më 31 dhjetor 2029.
Më 22 dhjetor 2023 u miratua VKM nr. 753, datë 20.12.2023, që hiqte profesionet e lira nga norma 0% e tatimit mbi fitimin dhe i vendoste të paguanin 15%, duke filluar nga janari 2024. Në kategorinë e profesioneve të lira u përfshinë shumica e shërbimeve (IT, agjenci imobiliare, shërbime teknike si ekonomist, jurist, arkitekt, dhe shëndetësia), ndërsa tregtia, prodhimi, ndërtimi, transporti dhe akomodimi mbetën jashtë.
Tabela e mëposhtme tregon ndarjen sipas kodit të veprimtarisë (NVE) siç ishte përcaktuar në atë kohë. Vlen vetëm si dokument historik, jo si rregull aktual.
Lexo edhe: Tatimi zero deri në 2029, kush përfiton dhe si funksionon, vendimi i plotë i Gjykatës Kushtetuese, dhe rimbursimi i kësteve të parapaguara për profesionet e lira.
Çdo herë që ka një ndryshim tatimor ose financiar që prek biznesin tuaj, ju njoftojmë direkt në email me shpjegim praktik.
Dërgomë njoftimet falas